2009 - 2011 жылдарға арналған «Еуропаға жол» мемлекеттік бағдарламасын іске асыру жөніндегі іс-шаралар жоспарын бекіту туралы
Қазақстан Республикасы Үкіметінің 2008 жылғы 4 қазандағы № 916 Қаулысы
(2009.10.11. берілген өзгерістер мен толықтыруларымен)
Осы редакция 2011 жылғы 9 қыркүйекте енгізілген өзгерістеріне дейін қолданылды
«2009 - 2011 жылдарға арналған «Еуропаға жол» мемлекеттік бағдарламасы туралы» Қазақстан Республикасы Президентінің 2008 жылғы 29 тамыздағы № 653 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған 2009 - 2011 жылдарға арналған «Еуропаға жол» мемлекеттік бағдарламасын іске асыру жөніндегі іс-шаралар жоспары (бұдан әрі - Жоспар) бекітілсін.
2. Қазақстан Республикасының орталық және жергілікті атқарушы органдары, өзге де мемлекеттік органдары мен мүдделі ұйымдар:
1) Жоспарда көзделген іс-шараларды орындау жөнінде тиісті шаралар қабылдасын;
2) жылына екі рет 20 маусымға және 20 желтоқсанға Қазақстан Республикасы Сыртқы істер министрлігіне Жоспардың орындалу барысы туралы ақпарат берсін.
3. Қазақстан Республикасы Сыртқы істер министрлігі жарты жылда бір рет есепті кезеңнен кейінгі айдың 15-күнінен кешіктірмей Қазақстан Республикасының Үкіметіне Жоспардың орындалу барысы туралы жиынтық ақпарат берсін.
4. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі |
К. Мәсімов |
ҚР Үкіметінің 2009.27.04 № 585 Қаулысымен (бұр. ред. қара); 2009.20.07. № 1101 қаулысымен (бұр. ред. қара); 2009.10.11. № 1803 қаулысымен (бұр.ред.қара) жоспар өзгертілді
Қазақстан Республикасы
Үкіметінің
2008 жылғы 4 қазандағы
№ 916 қаулысымен
бекітілген
2009 - 2011 жылдарға арналған
«Еуропаға жол» мемлекеттік бағдарламасын іске асыру жөніндегі іс-шаралар жоспары
| Р/с № | Іс-шаралар | Аяқтау нысаны | Жауапты орындаушылар | Орындау мерзімі | Болжамды шығыстар (мың теңге) | Қаржыландыру көздері |
| 1 | 2 | 3 | 4 | 5 | 6 | 7 |
| 1. Технологиялық ынтымақтастықты жолға қою үшін жағдай жасау | ||||||
