Қазақстан Республикасы Төтенше жағдайлар министрлігінің кейбір мәселелері
Қазақстан Республикасы Үкіметінің 2005 жылғы 25 қаңтардағы № 53 Қаулысы
Осы редакция 2012 жылғы 6 сәуірде енгізілген өзгерістеріне дейін қолданылды
Қазақстан Республикасы Президентінің «Қазақстан Республикасының мемлекеттік басқару жүйесiн одан әрi жетiлдiру жөнiндегі шаралар туралы» 2004 жылғы 29 қыркүйектегі № 1449 Жарлығына сәйкес Қазақстан Республикасының Үкіметі ҚАУЛЫ ЕТЕДI:
1. Мыналар:
1) осы қаулының 1-қосымшасына сәйкес Қазақстан Республикасы Төтенше жағдайлар агенттігінiң облыстардағы, Астана және Алматы қалаларындағы төтенше жағдайлар жөнiндегі аумақтық органдары - мемлекеттік мекемелерi қолданыстағы заңнамада белгiленген штат санының лимиті шегінде оларды Қазақстан Республикасы Төтенше жағдайлар министрлiгінiң облыстардағы, Астана және Алматы қалаларындағы төтенше жағдайлар аумақтық органдары - мемлекеттік мекемелерiне және Қазақстан Республикасы Төтенше жағдайлар министрлігі Төтенше жағдайлар саласындағы мемлекеттік бақылау және қадағалау комитетінiң облыстардағы, Астана және Алматы қалаларындағы төтенше жағдайлар саласындағы мемлекеттік бақылау және қадағалау аумақтық органдарына (бұдан әрi - Комитеттiң аумақтық органдары) бөлу жолымен.
Қазақстан Республикасы Төтенше жағдайлар агенттігінiң Мемлекеттік өртке қарсы қызметiнiң мемлекеттік мекемелерi Комитеттің құрылатын аумақтық органдарына штат санының бір бөлігін берудi қамтамасыз етсiн;
2) Қазақстан Республикасы Төтенше жағдайлар агенттігінiң шаруашылық жүргізу құқығындағы «Өрт сөндiрушi» республикалық мемлекеттік кәсiпорны одан Қазақстан Республикасы Төтенше жағдайлар министрлігінiң шаруашылық жүргiзу құқығындағы «Қазавиақұтқару» республикалық мемлекеттік кәсiпорнын (бұдан әрi - «Қазавиақұтқару» PMК) бөлу жолымен;
