Алдын ала болу қорытындылары бойынша жыл сайынғы жинақталған баяндаманы дайындау қағидаларын бекіту туралы
Адам құқықтары жөніндегі уәкілдің 2013 жылғы 26 қыркүйектегі № 22 өкімі
(2026.03.03. берілген өзгерістер мен толықтыруларымен)
Адам құқықтары жөніндегі уәкілдің 2014.18.09. № 14 өкімімен (бұр.ред.қара); 2019.27.06. № 18 өкімімен (бұр.ред.қара); 2023.11.05. № 7 бұйрығымен (2023 ж. 1 шілдеден бастап қолданысқа енгізілді) (бұр.ред.қара); ҚР Адам құқықтары жөніндегі уәкілдің 2026.16.02. № 5 бұйрығымен (2026 ж. 3 наурыздан бастап қолданысқа енгізілді) (бұр.ред.қара) кіріспе жаңа редакцияда
Қазақстан Республикасының Қылмыстық-атқару кодексінің 40-бабы, «Халықтың денсаулығы және денсаулық сақтау жүйесі туралы» Қазақстан Республикасы кодексінің 185-бабы, Қазақстан Республикасының Әлеуметтік кодексінің 144-бабы, «Адамдарды қоғамнан уақытша оқшаулауды қамтамасыз ететін арнаулы мекемелерде, арнаулы үй-жайларда ұстау тәртібі мен шарттары туралы» Қазақстан Республикасы Заңының 46-11-бабы, «Қазақстан Республикасындағы баланың құқықтары туралы» Қазақстан Республикасы Заңының 47-2-бабы іске асыру мақсатында:
1. Қоса берілген Алдын ала болу қорытындылары бойынша жыл сайынғы жинақталған баяндаманы дайындау қағидалары бекітілсін.
2. Осы өкім оның бірінші рет ресми жарияланған күнінен бастап он күнтізбелік күн өткенде қолданысқа енеді.
| Адам құқықтары жөніндегі уәкiл | А. Шәкіров |
Адам құқықтары жөніндегі уәкілдің
2013 жылғы 26 қыркүйектегі
№ 22 өкімімен
бекітілген
Алдын ала болу қорытындылары бойынша жыл сайынғы
жинақталған баяндаманы дайындау
қағидалары
1. Жалпы ережелер
1. Осы Алдын ала болу қорытындылары бойынша жыл сайынғы жинақталған баяндаманы дайындау қағидалары (бұдан әрі - Қағидалар) ұлттық алдын алу тетігі қатысушыларының жыл сайынғы жинақталған баяндамасын (бұдан әрі - Баяндама) дайындау тәртібін реттейді.
