«Балалар ойынына және ойыншықтарға қойылатын санитарлық-эпидемиологиялық
талаптар» атты санитарлық-эпидемиологиялық ережелер мен нормаларды бекіту туралы
Қазақстан Республикасы Денсаулық сақтау министрлігінің 2004 жылғы 3 желтоқсандағы № 838 бұйрығы
ҚР Денсаулық сақтау министрінің 2010 жылғы 30 шілдедегі № 577 Бұйрығымен күші жойылды
«Халықтың санитарлық-эпидемиологиялық салауаттылығы туралы» Қазақстан Республикасы Заңының 7-бабының 10) тармақшасына сәйкес БҰЙЫРАМЫН:
1. Қоса берiлiп отырған «Балалар ойынына және ойыншықтарға қойылатын санитарлық-эпидемиологиялық талаптар» атты санитарлық-эпидемиологиялық ережелер мен нормалар бекітілсiн.
2. Қазақстан Республикасы Денсаулық сақтау министрлігінiң Мемлекеттік санитарлық-эпидемиологиялық қадағалау комитетi (Байсеркин Б.С.) осы бұйрықты Қазақстан Республикасының Әдiлет министрлігіне мемлекеттік тiркеуге жiберсiн.
3. Қазақстан Республикасы Денсаулық сақтау министрлігінiң Әкiмшiлiк департаментi (Акрачкова Д.В.) осы бұйрықты Қазақстан Республикасының Әдiлет министрлігінде мемлекеттік тiркеуден өткеннен кейiн ресми жариялауға жолдасын.
4. Осы бұйрықтың орындалуын бақылау Қазақстан Республикасының Денсаулық сақтау вице-министрi, Бас мемлекеттік санитарлық дәрiгерi A.A. Белоногқа жүктелсiн.
5. Осы бұйрық ресми жарияланған күнiнен бастап қолданысқа енгiзiледi.
| Министрдiң мiндетiн атқарушы | А. Ақанов |
Қазақстан Республикасының
Денсаулық сақтау министрінің
№ 838 бұйрығымен 2004 жылы
3 желтоқсанда бекітілген
«Балаларға арналған ойындар мен ойыншықтарға
қойылатын санитарлық-эпидемиологиялық талаптар» туралы
санитарлық-эпидемиологиялық ережелер мен нормалар
1. Жалпы ережелер
1. Осы санитарлық-эпидемиологиялық ережелер мен нормалар (бұдан әрi - санитарлық ережелер) қызметi балалар ойындары мен ойыншықтарын шығарумен айналысатын жеке және заңды тұлғаларға арналған.
