“Байланысты гранттарды пайдалану барысы мен нәтижелері туралы есептілікті
және ақпаратты табыс ету ережесін бекіту туралы”
Қазақстан Республикасының Экономика және бюджеттік жоспарлау министрлігінің
2005 жылғы 16 наурыздағы № 36 Бұйрығы
ҚР Экономика және бюджеттік жоспарлау министрінің 2009.06.08. № 166 және ҚР Қаржы министрінің 2009.25.08 № 351 бірлескен бұйрығымен күші жойылды
Қазақстан Республикасы Бюджет кодексінің 161-бабының 2-тармағы және 162-бабының 3-тармағына сәйкес БҰЙЫРАМЫН:
1. Қоса беріліп отырған Байланысты гранттарды пайдалану барысы мен нәтижелері туралы есептілікті және ақпаратты табыс ету ережесі бекітілсін.
2. Мемлекеттік қарыз алуды және кредит беруді жоспарлау департаменті (М.А. Өтеғұлов) мен Заң басқармасы (М.Д. Әйтенов) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
3. Осы бұйрықтың орындалуын бақылау Қазақстан Республикасы Экономика және бюджеттік жоспарлау вице-министрі Н.А. Коржоваға жүктелсін.
4. Осы бұйрық Қазақстан Республикасы Әділет министрлігінде мемлекеттік тіркелген күнінен бастап қолданысқа енгізіледі.
Министрдің міндетін
атқарушы
Қазақстан Республикасы
Экономика және бюджеттік
жоспарлау министрінің міндетін
атқарушының 2005 жылғы
16 наурыздағы № 36 бұйрығымен
бекітілген
Байланысты гранттарды пайдалану
барысы мен нәтижелері туралы
есептілікті және ақпаратты табыс ету
ережесі
1. Осы Байланысты гранттарды пайдалану барысы мен нәтижелері туралы есептілікті және ақпаратты табыс ету ережесі (бұдан әрі - Ереже) Қазақстан Республикасы Бюджет кодексінің (бұдан әрі - Бюджет кодексі) 161-бабының 2-тармағына, сондай-ақ 162-бабының 3-тармағына сәйкес әзірленді және байланысты гранттарды пайдалану барысы мен нәтижелері туралы есептілікті және ақпаратты табыс ету тәртібін айқындайды.
2. Байланысты гранттардың іске асырылу мониторингін жүзеге асыру шеңберінде оларды пайдалану барысы мен нәтижелері туралы есептілікті және ақпаратты табыс етудің мақсаты байланысты гранттарды пайдалану тиімділігін бағалау, байланысты гранттарды тартуды жоспарлау процесін жетілдіру және байланысты гранттарды тарту саласындағы мемлекеттік саясатты қалыптастыру және жүзеге асыру жөнінде ұсыныстар тұжырымдау болып табылады.
