Қазақстан Республикасы мүгедектерiнiң қоғамдық бiрлестiктерi
құратын, тауарлар мен қызметтердi өндiретiн ұйымдардан конкурсты
ұйымдастырушылар сатып алатын тауарлар мен қызметтердiң 2005 жылға
арналған номенклатурасы мен олардың көлемi (пайызбен көрсеткенде)
туралы Қазақстан Республикасы Үкіметінің 2004 жылғы 18 қарашадағы
№ 1213 қаулысы
Осы редакция 2005 ж. 8 сәуірдегі енгізілген өзгерістеріне дейін қолданылды
"Мемлекеттік сатып алу туралы" Қазақстан Республикасының 2002 жылғы 16 мамырдағы Заңының 27-бабына сәйкес Қазақстан Республикасының Үкіметі қаулы етеді:
1. Қосымшаға сәйкес Қазақстан Республикасы мүгедектерiнiң қоғамдық бiрлестiктерi құратын, тауарлар мен қызметтердi өндiретiн ұйымдардан конкурсты ұйымдастырушылар сатып алатын тауарлар мен қызметтердiң 2005 жылға арналған номенклатурасы бекітілсiн.
2. Конкурстарды ұйымдастырушылар номенклатурада көзделген тауарлар мен қызметтердi мемлекеттік сатып алуды жүзеге асыру кезiнде Қазақстан Республикасы мүгедектерiнiң қоғамдық бiрлестiктерi құратын, тауарлар мен қызметтердi өндiретiн ұйымдардан мемлекеттік сатып алуды заңнамада белгiленген тәртiппен осы тауарлар мен қызметтердi сатып алудың жалпы көлемiнiң кемiнде 30 пайызы көлемiнде жүзеге асырсын.
3. Осы қаулы 2005 жылғы 1 қаңтардан бастап күшiне енедi және жариялануға тиiс.
