Қазақстан Республикасы Yкіметінiң жанынан Шағын және орта бизнес
мәселелерi жөніндегі комиссияны құру туралы Қазақстан Республикасы
Үкіметінің 2002 ж. 7 тамыздағы № 883 қаулысы
(ҚР Үкіметінің 24.01.03 ж. № 87; 21.03.03 ж. № 285;
10.11.03 ж. № 1120 қаулыларымен
енгізілген өзгерістерімен)
Осы редакция 2005ж. 8 сәуірдегі енгізілген өзгерістеріне дейін қолданылды
Президенттiң "Iшкi және сыртқы саясаттың 2003 жылғы негiзгi бағыттары туралы" Қазақстан халқына Жолдауын iске асыру мақсатында Қазақстан Республикасының Үкіметі қаулы етеді:
1. 1-қосымшаға сәйкес құрамда Қазақстан Республикасы Үкіметінiң жанынан Шағын және орта бизнес мәселелерi жөніндегі комиссия құрылсын.
2. Қоса берiлiп отырған Қазақстан Республикасы Yкіметінiң жанындағы Шағын және орта бизнес мәселелерi жөніндегі комиссия туралы ереже бекітілсiн.
3. Облыстардың, Астана мен Алматы қалаларының әкiмдерi бір ай мерзiмде шағын және орта бизнес мәселелерi жөніндегі комиссияларды құрсын.
4. 2-қосымшаға сәйкес Қазақстан Республикасы Үкіметінiң кейбір шешiмдерiнiң күшi жойылды деп танылсын.
5. Осы қаулы қол қойылған күнiнен бастап күшiне енедi.
Қазақстан Республикасының
| Премьер-Министрі | И.Тасмағамбетов |
Қазақстан Республикасы
Үкіметінiң
2002 жылғы 7 тамыздағы
№ 883 қаулысымен
бекітілген
Қазақстан Республикасы Үкіметінiң жанындағы
Шағын және орта бизнес мәселелерi жөнiндегі комиссия туралы
ереже
1. Жалпы ережелер
1. Қазақстан Республикасы Үкіметінiң жанындағы Шағын және орта бизнес мәселелерi жөніндегі комиссия (бұдан әрi - Комиссия) Қазақстан Республикасы Үкіметінiң жанындағы консультативтiк-кеңес органы болып табылады және Президенттiң "Iшкi және сыртқы саясаттың 2003 жылғы негiзгi бағыттары туралы" Қазақстан халқына Жолдауын iске асыру мақсатында құрылды.
