Ғылыми атақтар беру ережелерiн бекіту туралы Қазақстан
Республикасының Білім және ғылым министрінің
2003 жылғы 10 қаңтардағы № 15 бұйрығы
(ҚР Білім және ғылым министрлігінің 09.06.04 ж. № 534
Бұйрығымен енгізілген өзгерістерімен)
Осы редакция 2005 ж. 2 наурыздағы енгізілген өзгерістеріне дейін қолданылды
Жоғары біліктi кадрларды аттестаттаудың нормативтік құқықтық базасын жетiлдiру мақсатында бұйырамын:
1. Қоса беріліп отырған Ғылыми атақтар беру ережелерi бекітілсiн.
2. Жоғары аттестациялық комитет (Құсайынов А.Қ.) жоғары біліктi ғылыми және ғылыми-педагогтiк кадрларды аттестаттау мәселелерi жөніндегі нормативтік құқықтық құжаттарын осы бұйрыққа сәйкес келтiрсiн.
3. Құқықтық қамтамасыз ету және аудит басқармасы (Күзембаев М.М.) осы бұйрықты белгіленген тәртiппен Қазақстан Республикасы Әділет министрлігіне мемлекеттік тiркеуден өткiзуге тапсырсын.
4. Осы бұйрық 2003 жылғы 1 наурыздан қолданысқа енгізiледі.
5. Қазақстан Республикасы Білім және ғылым Министрі мiндетiн атқарушының 2001 жылғы 4 маусымдағы "Ғылыми атақтар беру ережелерiн бекіту туралы" № 421 бұйрығы күшiн жойды деп саналсын.
6. Осы бұйрықтың орындалуын бақылау бірiншi вице-министр F.M. Мұтановқа жүктелсін.
Министр
Қазақстан Республикасы
Білім және ғылым Министрінің
2003 жылғы 10 қаңтардағы
№ 15 бұйрығымен бекітілген
ҒЫЛЫМИ АТАҚТАР БЕРУ ЕРЕЖЕЛЕРI
1. Жалпы қағидалар
1. Осы Ережелер терең кәсiби білімдi, ғылыми және ғылыми-педагогтiк қызметте жетiстiктерге қол жеткiзген тұлғаларға профессор және доцент ғылыми атақтарын беру тәртібін белгiлейдi.
