"Мүлікті салық және кеден берешегі есебіне иеленуді шектеудің кейбір мәселелері туралы"
Қазақстан Республикасы Қаржы министрлігінің Салық комитеті Төрағасының 2004 жылғы
12 шілдедегі № 347 бұйрығына өзгерістер мен толықтырулар енгізу туралы”
Қазақстан Республикасы Қаржы министрлігі Салық комитеті Төрағасының
2005 жылғы 28 ақпандағы № 83 Бұйрығы
ҚР Қаржы министрінің 2008 жылғы 30 желтоқсандағы № 637 Бұйрығымен күші жойылды
"Салық салу мәселелері бойынша Қазақстан Республикасының кейбір заң актілеріне өзгерістер мен толықтырулар енгізу туралы" 2004 жылғы 13 желтоқсандағы Қазақстан Республикасының Заңына сәйкес БҰЙЫРАМЫН:
1. "Мүлікті салық және кеден берешегі есебіне иеленуді шектеудің кейбір мәселелері туралы" Қазақстан Республикасы Қаржы министрлігінің Салық комитеті Төрағасының 2004 жылғы 12 шілдедегі № 347 (Нормативтік құқықтық актілерді мемлекеттік тіркеу реестрінде 2004 жылы 10 тамызда № 2992 болып тіркелген, Нормативтік құқықтық актілер бюллетенінде 2004 жылы жарияланған, № 37-40, 1024-құжат) бұйрығына мынадай өзгерістер мен толықтырулар енгізілсін:
1) аталған бұйрықпен бекітілген Салық төлеушінің салық берешегінің (төлеушінің кеден төлемдерi мен салықтар бойынша берешегі) есебіне мүлікті иеленуде шектеу туралы шешімнің нысаны осы бұйрыққа қосымшаға сәйкес жаңа редакцияда жазылсын;
2) аталған бұйрықпен бекітілген Салық төлеушінің салық берешегінің (төлеушінің кеден төлемдерi мен салықтар бойынша берешегі) есебіне мүлікті иеленуде шектеу туралы тізімдеме актісін жасау ережесінің:
2-тармағы:
"құжаттарды" деген сөзден кейін ", мұндай мүлікке меншікті және (немесе) шаруашылық жүргізу құқығын растайтын құжаттардың нотариалды куәландырылған көшірмелерін" деген сөздермен толықтырылсын;
мынадай мазмұндағы сөйлеммен толықтырылсын:
"Соңғысы Тізімдеме актісінде бар болған кезде тәуелсіз бағалаудың деректері көрсетіледі.".
