«Дауыс беру құқығын беретін есептен шығару куәліктерін табыс ету туралы Нұсқаулықты бекіту туралы» Қазақстан Республикасы Орталық сайлау комиссиясы Төрағасының 2005 жылғы 26 сәуірдегі № 1/2 Бұйрығы (күші жойылды)

“Дауыс беру құқығын беретін есептен шығару куәліктерін табыс ету туралы
Нұсқаулықты бекіту туралы”
Қазақстан Республикасы Орталық сайлау комиссиясы Төрағасының
2005 жылғы 26 сәуірдегі № 1/2 Бұйрығы

ҚР Орталық сайлау комиссиясының  2007 жылғы 25 маусымдағы   №90/171 қаулысымен күші жойылды

"Қазақстан Республикасындағы сайлау туралы" Қазақстан Республикасының Конституциялық заңының 12 және 41 баптарына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Дауыс беру құқығын беретін есептен шығару куәліктерін табыс ету туралы қоса берілген Нұсқаулық бекітілсін.

2. Осы қаулы оны ресми жариялаған күннен бастап қолданысқа енгізіледі.

Дауыс беру құқығын беретін есептен шығару куәліктерін табыс ету туралы Нұсқаулық (бұдан әрі - Нұсқаулық) Қазақстан Республикасының Конституциясына, "Қазақстан Республикасындағы сайлау туралы" Қазақстан Республикасының Конституциялық заңына, Қазақстан Республикасы Президентінің "Қазақстан Республикасының Орталық сайлау комиссиясы туралы ережені бекіту туралы" 1996 жылғы 11 қарашадағы № 3205 Жарлығына, өзге де нормативтік құқықтық актілерге сәйкес әзірленген және дауыс беру құқығын беретін есептен шығару куәліктерін (бұдан әрі - есептен шығару куәліктерін) табыс ету мәселелерін егжей-тегжейлі көрсетеді.

1. Жалпы жұрттың танысуы үшін сайлаушылар тізімдерін ұсыну мен сайлау күні арасында сайлаушы өзінің болу орнын ауыстырған кезде ол тұрақты мекені тіркелген жері бойынша учаскелік сайлау комиссиясына дауыс беру құқығын беретін есептен шығару куәлігін алуға арызбен (1 қосымша) өтініш жасауға құқылы.