“Техникалық және қызмет көрсету еңбегiнiң мамандықтары бойынша
кәсiби даярлық деңгейiн растау және біліктiлiктi беру ережесін бекіту туралы”
Қазақстан Республикасы Білім және ғылым министрлігінің
2005 жылғы 27 қаңтардағы № 43 Бұйрығы
ҚР Білім және ғылым министрінің 2007 жылғы 30 қарашадағы № 595 Бұйрығымен күші жойылды
"Білім туралы" Қазақстан Республикасының Заңына сәйкес БҰЙЫРАМЫН:
1. Қоса берiлiп отырған Техникалық және қызмет көрсету еңбегiнiң мамандықтары бойынша кәсiби даярлық деңгейiн растау және біліктiлiктi беру ережесi бекітілсiн.
2. Облыстық, Астана және Алматы қалаларының білім басқармалары (департаменттерi) осы бұйрықты олардың меншiк нысандары мен ведомстволық бағыныстылығына қарамастан, барлық кәсiптiк бастауыш білім беретiн оқу орындарының назарына жеткiзсiн.
3. Мектепке дейiнгi және орта білім департаментi (С.Б.Есбосынова) осы бұйрықты Қазақстан Республикасы Әдiлет министрлігіне заңнамада белгiленген тәртiппен мемлекеттік тiркеуге жiберсiн.
4. Осы бұйрық Қазақстан Республикасы Әдiлет министрлігінен мемлекеттік тiркеуден өткен күнiнен бастап күшiне енедi.
Министрдің мiндетiн атқарушы | Г. Гамарник |
Қазақстан Республикасы
Білім және ғылым министрінің
2005 жылғы 27 қаңтардағы
№ 43 бұйрығымен бекітілген
Техникалық және қызмет көрсету еңбегiнің кәсiптерi
(мамандықтары) бойынша кәсiби даярлық деңгейiн растау
және біліктiлiктi беру туралы
Ереже
1. Жалпы ережелер
1. Техникалық және қызмет көрсету еңбегiнің кәсiптерi (мамандықтары) бойынша кәсiби даярлық деңгейiн растау және біліктiлiктi беру туралы ереже (бұдан әрi - Ереже) "Білім туралы" Қазақстан Республикасы Заңының 30, 33, 35-баптарына сәйкес әзiрленген.
2. Ереже меншiк нысанына және ведомстволық бағыныстылығына қарамастан кәсiптiк бастауыш және орта білім беру ұйымдарына, оқу курстары мен орталықтарына, сондай-ақ техникалық және қызмет көрсету еңбегiнiң кәсiбiн өз бетінше игерген тұлғаларға таратылады.
