Қазақстан Республикасы Президентінің 2004 жылғы 29 қыркүйектегi
№ 1449 Жарлығын iске асыру жөніндегі шаралар туралы Қазақстан
Республикасы Премьер-Министрінің 2004 жылғы 29 қыркүйектегі
№ 287-ө Өкімі
Осы редакция 2005 ж. 28 маусымдағы енгізілген өзгерістеріне дейін қолданылды
Қазақстан Республикасы Президентiнің "Қазақстан Республикасының мемлекеттік басқару жүйесiн одан әрі жетiлдiру жөнiндегі шаралар туралы" 2004 жылғы 29 қыркүйектегi № 1449 Жарлығын (бұдан әрі Жарлық) iске асыру мақсатында:
1. Таратылатын, қайта құрылатын және қайта ұйымдастырылатын мемлекеттік органдар:
қолданыстағы заңнамаға сәйкес тарату және қайта ұйымдастыру рәсiмдерiн жүргізудi қамтамасыз етсiн;
2004 жылғы 5 қазанға дейiнгi мерзiмде Қазақстан Республикасы мемлекеттік басқару органдарының әкiмшiлiк реформасын iске асыру мәселелерi жөніндегі заңнамалық кесiмдерге өзгерістер мен толықтырулар енгізу жөніндегі ұсыныстарды Қазақстан Республикасы Әдiлет министрлігіне енгiзсiн.
2. Мынадай:
1-қосымшаға сәйкес құрамда орталық мемлекеттік органдар мен олардың ведомстволарының ережелерiн әзiрлеу мәселелерi;
2-қосымшаға сәйкес құрамда Қазақстан Республикасы мемлекеттік басқару органдарының әкімшілiк реформасын iске асыру мәселелерi бойынша заңнамалық кесiмдерге өзгерістер мен толықтырулар енгізу;
3-қосымшаға сәйкес құрамда мемлекеттік бюджет есебiнен ұсталатын Қазақстан Республикасы органдарының қызметкерлерiне еңбекақы төлеу жүйесiн одан әрi жетiлдiру жөніндегі жұмыс топтары құрылсын.
3. Осы өкiмнiң 2-тармағында көрсетiлген жұмыс топтарының басшылары:
2004 жылғы 5 қазанға дейiнгi мерзiмде тиiстi мемлекеттік органдар ережелерінің жобаларын қарасын және келiссiн;
2004 жылғы 20 қазанға дейiнгi мерзiмде мемлекеттік бюджет есебiнен ұсталатын Қазақстан Республикасы органдарының қызметкерлерiне еңбекақы төлеу жүйесiн одан әрі жетiлдiру жөніндегi ұсыныстарды Қазақстан Республикасының Үкіметіне енгізсiн;
