Шекаралық аймаққа келуге және онда тұруға Рұқсаттама мен рұқсат
беру тәртібі туралы Нұсқауды бекіту туралы Қазақстан Республикасы
Iшкi iстер министрінiң бұйрығы 1994 жылғы 4 сәуiр № 92
Осы редакция 2005 ж. 18 шілдедегі енгізілген өзгерістеріне дейін қолданылды
1. Шекаралық аймаққа келуге және онда болуға рұқсаттама мен рұқсат беру тәртібі туралы қоса берiлiп отырған Нұсқау бекітілсiн.
2. Облыстық iшкi iстер басқармаларының, Алматы қалалық iшкi iстер Бас басқармасының және Ленинск қалалық iшкi iстер басқармасының бастықтары:
а) шекаралық аймаққа келуге рұсқаттама мен рұқсат беруге және онда келу, болу, тiркелу ережелерiн сақтауға бақылау жасауда қатысы бар iшкi iстер органдары қызметкерлерiнiң нұсқауды оқып бiлуiн;
ә) меншiк нысанына қарамастан мекемелердiң, ұйымдардың мүдделi адамдарымен құжаттарды ресiмдеу және рұқсаттама мен рұқсат алу тәртібі туралы түсiндiру жұмыстарын жүргiзудi қамтамасыз етсiн.
3. КСРО IIМ-нiң 13 қазан 1983 жылғы № 0285 Бұйрығының күшi жойылды деп саналсын.
Министрдiң бірiншi орынбасары
милиция генерал-майоры
Қазақстан Республикасы
Ұлттық қауiпсiздiк Комитетiмен
2 көкек 1994 жылы келісілдi
Шекаралық аймаққа келуге және онда болуға
рұқсаттама мен рұқсат беру тәртібі туралы
Нұсқау
І. Жалпы ережелер
1. 1993 жылғы 13 қаңтарда Қазақстан Республикасы Жоғарғы Кеңесi қабылдаған "Қазақстан Республикасының мемлекеттік шекарасы туралы" Қазақстан Республикасы Заңына сәйкес, Қазақстан Республикасының мемлекеттік шекарасында тиiстi тәртiп орнатуды қамтамасыз ету мақсатында Қазақстан Республикасының Министрлер Кабинетi шекаралық аймақ пен шекаралық белдеудi белгiлейдi.
2. Аумағында шекаралық аймақ белгiленетiн әкiмшiлiк-аумақтық бірлiктер:
аудандардың, қалалардың, ауылдардың, селолардың, темір жол станцияларының, әуежайлардың және өзен кемелерi аймақтарының тiзбесi Қазақстан Республикасы Министрлер Кабинетінің Қаулысымен бекітіледi.
