«Қазақстан Республикасы Парламентінің Сенаты депутаттарының
2005 жылғы 19 тамызға тағайындалған сайлауын дайындау және өткізу
жөніндегі негізгі шаралардың күнтізбелік жоспарын бекіту туралы»
Қазақстан Республикасы Орталық сайлау комиссиясының 2005 жылғы
17 маусымдағы № 3/6 қаулысы
Қазақстан Республикасының "Қазақстан Республикасындағы сайлау туралы" Конституциялық заңы 12-бабының 1) тармақшасына сәйкес Қазақстан Республикасының Орталық сайлау комиссиясы қаулы етеді:
1. Қазақстан Республикасы Парламентінің Сенаты депутаттарының 2005 жылғы 19 тамызға тағайындалған сайлауын дайындау және өткізу жөніндегі негізгі іс-шаралардың қоса беріліп отырған күнтізбелік жоспары бекітілсін (бұдан әрі - күнтізбелік жоспар).
2. Күнтізбелік жоспар облыстық, Астана және Алматы қалаларының сайлау комиссияларына сайлауды өткізуді қамтамасыз ету үшін жіберілсін.
3. Күнтізбелік жоспар бұқаралық ақпарат құралдарында жария етілсін.
Қазақстан Республикасы Орталық сайлау
комиссиясының төрағасы | О. Жұмабеков |
Қазақстан Республикасы
Орталық сайлау комиссиясының
2005 жылғы 17 маусымдағы
№ 3/6 қаулысымен
бекітілген
Қазақстан Республикасы Парламентінің Сенаты
депутаттарының 2005 жылғы 19 тамызға тағайындалған
сайлауын дайындау және өткізу жөніндегі негізгі шаралардың
КҮНТІЗБЕЛІК ЖОСПАРЫ
1. Қазақстан Республикасы Парламенті Сенатының депутаттығына кандидаттарды ұсыну.
Облыстық, Астана және Алматы қалалары, қалалық және аудандық мәслихаттар және азаматтар өзін-өзі ұсыну жолымен.
Сайлау тағайындалғаннан кейін келесі күні - 2005 жылғы 18 маусымнан басталады және сайлау өткізілетін күнге бір ай қалғанда - 2005 жылғы 18 шілдеде аяқталады. (71 бап 1-тармақ)
2. Бұқаралық ақпарат құралдарында облыстық, Астана және Алматы қалалары сайлау комиссияларының құрамын жариялау.
Облыстық, Астана және Алматы қалаларының сайлау комиссиялары.
Сайлау тағайындалғаннан кейін 10 күннен - 2005 жылғы 27 маусымнан кешіктірмей. (13-бап 4-тармақ)
3. Тандаушылар тізімдерін жасау.
