«Қазақстан Республикасы Ұлттық Банкінің кейбір нормативтiк құқықтық актілеріне лицензиялау мәселелерi бойынша өзгерістер мен толықтырулар енгізу және күшi жойылды деп тану туралы
Қазақстан Республикасы Ұлттық Банкi Басқармасының 2005 жылғы 27 тамыздағы № 93 Қаулысы
(2016.17.03. берілген өзгерістер мен толықтыруларымен)
Қазақстан Республикасы Ұлттық Банкінің лицензиялау мәселелерi жөніндегі кейбір нормативтiк құқықтық актілерін «Қазақстан Республикасының кейбір заңнамалық актілеріне лицензиялау мәселелерi бойынша өзгерістер мен толықтырулар енгізу туралы» Қазақстан Республикасының Заңына сәйкес келтiру мақсатында, Қазақстан Республикасы Ұлттық Банкінің Басқармасы ҚАУЛЫ ЕТЕДI:
1. Осы қаулының қосымшасына сәйкес Қазақстан Республикасының Ұлттық Банкi Басқармасының кейбір қаулыларына лицензиялау мәселелерi бойынша өзгерістер мен толықтырулар енгiзiлсiн.
2. Осы қаулы қолданысқа енгiзiлген күннен бастап:
1) Қазақстан Республикасының Ұлттық Банкi Басқармасының «Елтаңбалық қағаз шығаруды лицензиялау бойынша нұсқаулықты бекіту туралы» 2003 жылғы 25 ақпандағы № 62 қаулысының (Қазақстан Республикасының нормативтiк құқықтық актілерін мемлекеттік тiркеу тiзiлiмiнде № 2233 тiркелген, Қазақстан Республикасы Ұлттық Банкінің «Қазақстан Ұлттық Банкінің Хабаршысы» және «Вестник Национального Банка Казахстана» ресми басылымдарында 2003 жылғы 21 сәуiр - 4 мамырда жарияланған);
