«Қазақстан Республикасының Қылмыстық, Қылмыстық іс жүргізу және Қылмыстық-атқару кодекстеріне өзгерістер мен толықтырулар енгізу туралы» 2002 жылғы 21 желтоқсандағы Қазақстан Республикасы Заңын соттардың қолдануының
кейбір мәселелері туралы
Казақстан Республикасы Жоғарғы Сотының 2005 жылғы 28 қазандағы № 7 нормативтік қаулысы
ҚР Жоғарғы Сотының 2016 жылғы 22 желтоқсандағы № 15 нормативтік қаулысымен күші жойылды
«Қазақстан Республикасының Қылмыстық, Қылмыстық іс жүргізу және Қылмыстық-атқару кодекстеріне өзгерістер мен толықтырулар енгізу туралы» 2002 жылғы 21 желтоқсандағы Қазақстан Республикасының Заңын сот тәжірибесінде дұрыс және біркелкі қолдану жөнінде мәселелердің туындауына байланысты Қазақстан Республикасы Жоғарғы Сотының жалпы отырысы ҚАУЛЫ ЕТЕДІ:
1. «Қазақстан Республикасының Қылмыстық, Қылмыстық іс жүргізу және Қылмыстық-атқару кодекстеріне өзгерістер мен толықтырулар енгізу туралы» 2002 жылғы 21 желтоқсандағы Қазақстан Республикасынын Заңы (әрі қарай - Заң) 2003 жылғы 9 қаңтардан бастап қолданысқа енгізілгенін соттардың назарда ұстағандары жөн.
2. Соттар Заңды қолдану кезінде Қазақстан Республикасы Қылмыстық кодексінің (әрі қарай Қ.К) 5-бабының әрекеттің қылмыстылығын немесе жазаланушылығын жоятын. жауаптылықты немесе жазаны жеңілдететін немесе қылмыс жасаған адамның жағдайын өзге де жолмен жеңілдететін заңнын кері күші болатыны, яғни осындай заң күшіне енгенге дейін тиісті әрекет жасаған адамдарға, оның ішінде жазасын өтеп жүрген немесе жазасын өтеген, бірақ соттылығы бар адамдарға қолданылатындығы туралы талаптарын қатан сақтаулары тиіс.
