Мемлекеттік денсаулық сақтау жүйесi ұйымдарында ақылы медициналық
қызметтер көрсету ережесін бекіту туралы Қазақстан Республикасы
Үкіметінің 2002 ж. 25 шілдедегі № 828 қаулысы
Осы редакция 2006 ж. 06 қаңтардағы енгізілген өзгерістеріне дейін қолданылды
"Қазақстан Республикасында азаматтардың денсаулығын сақтау туралы" Қазақстан Республикасының 1997 жылғы 19 мамырдағы Заңына сәйкес Қазақстан Республикасының Үкіметі қаулы етеді:
1. Қоса берiлiп отырған Мемлекеттік денсаулық сақтау жүйесi ұйымдарында ақылы медициналық қызметтep көрсету epeжeci бекітілсiн.
2. Осы қаулы қол қойылған күнiнен бастап күшiне енедi.
Қазақстан Республикасының
| Премьер-Министрі | И.Тасмағамбетов |
Қазақстан Республикасы
Үкіметінiң
2002 жылғы 25 шілдедегі
№ 828 қаулысымен
бекітілген
Мемлекеттік денсаулық сақтау жүйесi ұйымдарында
ақылы медициналық қызметтер көрсету
ережесi
1. Жалпы ережелер
1. Осы Ереже мемлекеттік денсаулық сақтау жүйесi ұйымдарында (бұдан әрi - денсаулық сақтау ұйымдары) ақылы медициналық қызметтер көрсету тәртібі мен шарттарын белгілейдi.
2. Ақылы медициналық қызметтер көрсетудi ұйымдастырудың негiзгi мақсаты халықтың медициналық, сауықтыру санитарлық-iндетке қарсы көмектiң сан алуан түрiне қажеттiлiктерiн неғұрлым толық қанағаттандыру, медициналық қызметтер рыногын кеңейту болып табылады.
3. Денсаулық сақтау ұйымы азаматтар жүгiнген сәттен бастап заңнамада белгiленген тәртіппен оларға уақтылы әрi сапалы ақылы медициналық қызметтер көрсету үшiн жауапты болады.
2. Мемлекеттік денсаулық сақтау жүйесi ұйымдарының
ақылы медициналық қызметтер көрсету тәртібі
4. Ақылы медициналық қызметтер Қазақстан Республикасының азаматтарына, шетелдiктерге және азаматтығы жоқ адамдарға тұрғылықты жерiне қарамастан көрсетiледi.
5. Азаматтарға ақылы медициналық қызметтер көрсету кезiнде медициналық есепке алу-есеп беру құжаттамаларын жүргiзу азаматтардың денсаулығын сақтау саласындағы уәкiлеттi орталық атқарушы орган белгілеген нысандар бойынша жүзеге асырылады.
