Йод тапшылығы ауруларының алдын алу туралы 2003 жылғы 14 қазандағы
№ 489-ІІ Қазақстан Республикасының Заңы
Осы редакция 2006 ж. 10 қаңтардағы енгізілген өзгерістеріне дейін қолданылды
1-тарау. Жалпы ережелер (1 - 3 баптар)
2-тapaу. Йод тапшылығы ауруларының алдын алу саласындағы (4 - 9 баптар)
мемлекеттік реттеу
3-тарау. Йод тапшылығы ауруларының алдын алу жөніндегі шаралар (10 - 15 баптар)
4-тарау. Қорытынды ережелер (16 - 18 баптар)
Осы Заң Қазақстан Республикасының халқы арасында йод тапшылығы ауруларының алдын алу, йодталған тұздың және йод қосындыларымен байытылған басқа да тамақ өнiмдерiнiң өндiрiсi, әкелу, әкету және өткізу, сапасы мен қауiпсiздігін қамтамасыз ету саласындағы қоғамдық қатынастарды реттейдi.
1-тарау. Жалпы ережелер
1-бап. Осы Заңда пайдаланылатын негiзгi ұғымдар
Осы Заңда мынадай негiзгi ұғымдар пайдаланылады:
1) тұзды йодтау - тұзды йод қосындыларымен байытудың өндiрiстiк процесi;
2) йод тапшылығы аурулары - ағзаға йодтың жеткiлiксiз түсуiне байланысты қалқанша без функциясының бұзылуынан болатын адам ағзасының дерттi жай-күйi;
3) жемдiк тұз - мал шаруашылығында малдық азығына минералдық қоспа ретiнде пайдаланылатын тұз;
4) ас тұзы - тағамдық мақсатқа арналған тұз;
5) йод тапшылығы ауруларының алдын алу - йод тапшылығы ауруларынан сақтандыруға бағытталған iс-шаралар жүйесi;
6) уәкiлеттi орган - Қазақстан Республикасының азаматтардың денсаулығын қорғау саласындағы басшылықты жүзеге асыратын орталық атқарушы органы;
7) жалған ас тұзы - татымы әдейi өзгертілген не сапасы туралы ақпарат дұрыс емес және (немесе) жеткiлiктi емес ас тұзы.
2-бап. Қазақстан Республикасының йод тапшылығы ауруларының алдын алу туралы заңдары
