«Мемлекеттік бюджет пен облыс бюджетінің, республикалық және жергілікті
бюджеттердің атқарылуы туралы есептерді жасау мен ұсынудың Ережелері»
туралы Қазақстан Республикасы Қаржы министрінің 2004 жылғы 8 желтоқсандағы
№ 432 бұйрығына толықтырулар мен өзгерістер енгізу туралы
Қазақстан Республикасы Қаржы министрлігінің 2006 жылғы 12 қаңтардағы
№ 5 Бұйрығы
ҚР Қаржы министрінің 2008.30.12. № 644 Бұйрығымен күші жойылды
Қазақстан Республикасы Бюджет кодексінің 121-бабына сәйкес бұйырамын:
1.«Мемлекеттік бюджет пен облыс бюджетінің, республикалық және жергілікті бюджеттердің атқарылуы туралы есептерді жасау мен ұсынудың Ережелері" туралы Қазақстан Республикасы Қаржы министрінің 2004 жылғы 8 желтоқсандағы № 432 бұйрығына (Нормативтік құқықтық актілерді мемлекеттік тіркеу тізілімінде № 3321 тіркелген, Қазақстан Республикасы Қаржы министрінің 2005 жылғы 27 қаңтардағы № 17 бұйрығымен өзгерістер мен толықтырулар енгізілді) мынадай толықтырулар мен өзгерістер енгізілсін:
көрсетілген бұйрықпен бекітілген Мемлекеттік бюджет пен облыс бюджетінің, республикалық және жергілікті бюджеттердің атқарылуы туралы есептерді жасау мен ұсынудың Ережелерінде:
осы бұйрыққа 1, 2, 3-қосымшаларға сәйкес 1-1, 6, 7-қосымшалармен толықтырылсын;
тиісінше мынадай мазмұндағы 3-1 және 4-1-тармақтармен толықтырылсын:
"3-1. Мемлекеттік мекемелердің тауарларды (жұмыстарды, қызметтерді) өткізуінен түсетін, олардың иелігінде қалатын ақша түсімдері мен шығыстары жоспарларының орындалуы туралы есеп тауарларды (жұмыстарды, қызметтерді) өткізуден түсетін ақша түсімін және олар бойынша шығыстар сомасын көрсетеді.
Демеушілік және қайырымдылық көмектен түсетін ақшаның түсімі мен жұмсалуы туралы есеп заңды және жеке тұлғалардан демеушілік және қайырымдылық көмек ретінде түсетін ақша түсімі және олар бойынша шығыстар сомасын көрсетеді.";
