«Ақпараттық технологиялар паркі» арнайы экономикалық аймағының аумағында қызметті ұйымдастыру ережесін және «Ақпараттық технологиялар паркі» арнайы экономикалық аймағының қатысушылары ретінде заңды тұлғаларды тіркеу ережесін бекіту туралы» Қазақстан Республикасы Индустрия және сауда министрінің 2006 жылғы 24 ақпандағы № 68 Бұйрығы (2007.05.11. берілген өзгерістер мен толықтыруларымен) (күші жойылды)

Қазақстан Республикасы Президентінің «Ақпараттық технологиялар паркі» арнайы экономикалық аймағын құру туралы« 2003 жылғы 18 тамыздағы № 1166 жарлығына және «Ақпараттық технологиялар паркі» арнайы экономикалық аймағының жекелеген мәселелері» туралы Қазақстан Республикасы Үкіметінің 2003 жылғы 31 желтоқсандағы № 1377 қаулысына сәйкес БҰЙЫРАМЫН:

1. Қоса берілген «Ақпараттық технологиялар паркі» арнайы экономикалық аймағының аумағында қызметті ұйымдастыру ережесі және «Ақпараттық технологиялар паркі» арнайы экономикалық аймағының қатысушылары ретінде заңды тұлғаларды тіркеу ережесі бекітілсін.

2. Аппарат-Әкімшілік-құқықтық жұмыстар департаменті Қазақстан Республикасының Әділет министрлігінде осы бұйрықтың мемлекеттік тіркелуін қамтамасыз етсін.

ҚР Индустрия және сауда министрінің 2007.05.11. № 329 бұйрығымен 3-тармақ өзгертілді (бұр.ред.қара)

3. Осы бұйрықтың орындалуын бақылау Индустрия және сауда вице-министрі Қ.У.Бишімбаевқа жүктелсін.

4. Осы бұйрық ресми жарияланған күнінен бастап қолданысқа енгізіледі.

Қазақстан Республикасы

Индустрия және сауда министрінің

2005 жылғы 24 ақпандағы

№ 68 бұйрығымен бекітілген