Ипотекалық ұйымдардың есеп беру ережесін бекіту туралы
Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2006 жылғы 25 ақпандағы № 43 Қаулысы
(2012.26.03. берілген өзгерістер мен толықтыруларымен)
ҚР Ұлттық Банкі Басқармасының 2014 жылғы 24 қыркүйектегі № 178 Қаулысымен күші жойылды
Банк операцияларының жекелеген түрлерін жүзеге асыратын ұйымдардың қызметін реттейтін нормативтік құқықтық актілерді Қазақстан Республикасының заңнамасына сәйкес келтіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы қаулы етеді:
1. Қоса беріліп отырған Ипотекалық ұйымдардың есеп беру ережесі бекітілсін.
2. Осы қаулы 2006 жылғы 1 ақпаннан бастап қолданысқа енгізіледі.
3. Осы қаулы қолданысқа енгізілген күннен бастап Қазақстан Республикасының мынадай нормативтік құқықтық актілерінің күші жойылды деп танылсын:
1) Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Кредиттік серіктестіктердің және ипотекалық компаниялардың есеп беру ережесін бекіту туралы» 2004 жылғы 27 қарашадағы № 332 қаулысы (Нормативтік құқықтық актілерді мемлекеттік тіркеу тізілімінде № 3336 тіркелген);
2) Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Кредиттік серіктестіктер мен ипотекалық компаниялардың есебін ұсыну ережесін бекіту туралы» Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2004 жылғы 27 қарашадағы № 332 қаулысына толықтырулар мен өзгерістер енгізу туралы» 2005 жылғы 28 мамырдағы № 161 қаулысы (Нормативтік құқықтық актілерді мемлекеттік тіркеу тізілімінде № 3707 тіркелген).
4. Стратегия және талдау департаменті (Еденбаев Е.С.):
1) Заң департаментімен (Байсынов М.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қолға алсын;
