Аграрлық секторға несие беру мәселелерi туралы Қазақстан Республикасы
Үкіметінің 2001 жылғы 25 қаңтардағы № 137 қаулысы
(ҚР Үкіметінің 05.03.04 ж. № 276 қаулысымен енгізілген өзгерістерімен)
Осы редакция 2006 ж. 7 шілдедегі енгізілген өзгерістеріне дейін қолданылды
Бұрынғы редакцияларды қара
Ауыл шаруашылығы тауар өндiрушiлерiнiң қаржы қаражатына қол жеткiзуiн қамтамасыз ету және тиiмдi пайдаланылуын арттыру мақсатында Қазақстан Республикасының Yкіметі ҚАУЛЫ ЕТЕДI:
1. Қосымшаға сәйкес Мемлекеттік қаржы ресурстарын тарта отырып ауыл шаруашылығы өндiрiсiне несие берудiң пилоттық жобасы мақұлдансын.
2. "Аграрлық несие корпорациясы" жабық акционерлік қоғамы мемлекеттiң 100 пайыз қатысуымен құрылсын.
3. Қазақстан Республикасының Қаржы министрлiгі заңнамада белгіленген тәртiппен 2001 жылы:
"Аграрлық несие корпорациясы" жабық акционерлік қоғамының жарғылық капиталын қалыптастыру үшiн "Аграрлық несие корпорациясын құру туралы" № 40 бағдарлама бойынша республикалық бюджеттен 150 000 000 (жүз елу миллион) теңге сомасында қаражат бөлсiн;
"Аграрлық несие корпорациясы" жабық акционерлік қоғамының несиелiк ресурстарын қалыптастыру үшiн көздер қарастырсын.
4. Қазақстан Республикасы Қаржы министрлiгінiң Мемлекеттік мүлік және жекешелендiру комитетi заңнамада белгіленген тәртiппен:
"Аграрлық несие корпорациясы" жабық акционерлік қоғамының жарғысын бекiтсiн;
мемлекеттік тiркеуден кейiн "Аграрлық несие корпорациясы" жабық акционерлік қоғамы акцияларының мемлекеттік пакетiне иелiк ету және пайдалану құқығын Қазақстан Республикасының Ауыл шаруашылығы министрлігіне берсiн;
осы тармақтан туындайтын өзге де шараларды қабылдасын.
5. Қазақстан Республикасының Ауыл шаруашылығы министрлігі облыстардың әкiмдерiмен бiрлесiп, базасында ауылдық несие серiктестiктерi өрiс алатын аудандардың тiзбесiн айқындасын.
