Кредиттік серіктестіктердің және ипотекалық компаниялард қаржылық есеп
беру тізбесі, нысандары мен мерзімдері туралы нұсқаулықты бекіту туралы
Қазақстан Республикасы Ұлттық Банкі Басқарамасының 2002 ж. 23
желтоқсандағы № 508 қаулысы
(ҚР ҰБ Басқармасының 04.07.03 ж. № 229 қаулысымен; ҚР ҰБ Басқармасының
23.02.04 ж. № 20, ҚР ҚҚА Басқармасының 23.02.04 ж. № 61 бірлескен қаулысымен;
ҚР ҰБ Басқармасының 2004.15.12. № 179 енгізілген өзгерістерімен)
Осы редакция 2006 ж. 12 тамызда енгізілген өзгерістеріне дейін қолданылды
Кредиттік серіктестіктердің және ипотекалық компаниялардың қызметін реттейтін нормативтік құқықтық базаны жетілдіру мақсатында, Қазақстан Республикасы Ұлттық Банкінің Басқармасы қаулы етеді:
ҚР ҰБ Басқармасының 2004.15.12. № 179 қаулысымен тақырыбы және 1-тармақ өзгертілді (бұр. ред. қара)
1. Кредиттік серіктестіктердің және ипотекалық компаниялардың қаржылық есеп беру тізбесі, нысандары мен мерзімдері туралы нұсқаулық бекітілсін.
2. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күн өткеннен кейін күшіне енеді.
3. Қаржылық қадағалау департаменті (Бахмутова Е.Л.):
1) Заң департаментімен (Шәріпов С.Б.) бірлесіп осы қаулыны Қазақстан Республикасының Әдiлет министрлігінде мемлекеттік тiркеуден өткізу шараларын қабылдасын;
2) Қазақстан Республикасының Әділет министрлігінде мемлекеттік тіркеуден өткізілген күннен бастап он күндік мерзімде осы қаулыны Қазақстан Республикасының Ұлттық Банкі орталық аппаратының мүдделі бөлімшелеріне және аумақтық филиалдарына жіберсін.
4. Қазақстан Республикасы Ұлттық Банкінің аумақтық филиалдары осы қаулыны алған күннен бастап үш күндік мерзімде оны кредиттік серіктестіктерге және ипотекалық компанияларға жіберсін.
5. Осы қаулы күшіне енген күннен бастап осы қаулының қосымшасына сәйкес нормативтік құқықтық актілердің күші жойылды деп танылсын.
6. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Ә.Ғ.Сәйденовке жүктелсін.
