Қазақстан Республикасы ішкі істер органдарының патрульді-бекеттік
қызметінің қоғамдық тәртіпті сақтау және қауіпсіздікті қамтамасыз
ету жөніндегі Нұсқаулығын жариялау туралы Қазақстан Республикасының
Ішкі істер министрінің 2002 жылғы 5 шілдедегі № 475 бұйрығы
(ҚР Ішкі істер министрінің 02.08.04 ж. № 441 бұйрығымен
енгізілген өзгерістерімен)
Осы редакция 2006 ж. 23 тамызда енгізілген өзгерістеріне дейін қолданылды
ҚР Ішкі істер министрінің 02.08.04 ж. № 441 бұйрығымен тақырыбы өзгерді (бұр. ред. қара)
Қоғамдық тәртіпті сақтауды қамтамасыз етудің ұйымдастырылуын жетілдіру, ішкі істер органдары полициясының кешенді күштерінің бөлімшелері мен Қазақстан Республикасы Ішкіісминінің ішкі әскерлерінің жедел және моторландырылған арнайы бөлімдері қызметінің тиімділігін арттыру мақсатында бұйырамын:
ҚР Ішкі істер министрінің 02.08.04 ж. № 441 бұйрығымен 1-тармақ өзгерді (бұр. ред. қара)
1. Қоса берілген Қазақстан Республикасы ішкі істер органдарының патрульді-бекеттік қызметінің қоғамдық тәртіп пен қауіпсіздікті сақтауды қамтамасыз ету жөніндегі Нұсқаулығы бекітілсін.
2. Қазақстан Республикасы Ішкіісминінің ішкі әскерлер қолбасшысының бас басқармасы, Астана, Алматы қалалары ішкі істер бас басқармасының, облыстардың ІІББ-ІІБ-нің, көліктегі ішкі істер басқармаларының, оқу орындарының бастықтары:
ҚР Ішкі істер министрінің 02.08.04 ж. № 441 бұйрығымен 1-тармақша өзгерді (бұр. ред. қара)
1) жеке құраммен әскери және қызметтік дайындық жүйесінде осы Нұсқаулықты оқытуды, соңынан сынақ қабылдауды ұйымдастырсын;
ҚР Ішкі істер министрінің 02.08.04 ж. № 441 бұйрығымен 2-тармақша өзгерді (бұр. ред. қара)
2) патрульді-бекеттік қызметі Нұсқаулығының талаптарын қоғамдық тәртіпті сақтауды қамтамасыз етуге тартылатын барлық қызметкерлердің, сондай-ақ полиция бөлімшелерінің қызметін ұйымдастыру мен бақылау міндеті жүктелген лауазымды адамдардың бұлжытпай орындауын қамтамасыз етсін;
