Кемелерде орнату үшін материалдар мен бұйымдарды дайындау туралы ережесі (ҚР Көлік және коммуникация министрінің 2006.12.12. № 334 бұйрығымен бекітілген) (күші жойылды)

Қазақстан Республикасының

Көлік және коммуникация

министрінің

2006 жылғы 12 желтоқсандағы

№ 334 бұйрығымен бекітілген

ҚР Көлік және коммуникация министрінің м.а. 2011 жылғы 1 желтоқсандағы № 707 бұйрығымен күші жойылды

Кемелерде орнату үшін материалдар мен бұйымдарды дайындау туралы
 ережесі
 
1-тарау.
Жалпы ережелер

1. Кемелерде орнату үшін материалдар мен бұйымдарды дайындау туралы ережесі (бұдан әрі - Ереже) «Ішкі су көлігі туралы» Қазақстан Республикасының Заңына сәйкес әзірленген.

2. Ереже кемелерде орнату үшін материалдар мен бұйымдарды дайындау бойынша ұйымдастыру мен қызметін жүзеге асыру тәртібін белгілейді.

3. Ережеде келесі жалпы терминдер мен түсініктемелер қолданылады:

1) басты кеме - жеке дара жасалған кеме немесе жаңа жоба бойынша жасалған сериясының бірінші кемесі;

2) басты үлгі (басты топтама) - Кеме қатынасы тіркелімінің өкілі техникалық куәландыру мен сынаулар арқылы Ереженің талаптарына және нормативті-техникалық актілеріне сәйкестігін және осы материалдардың, бұйымдардың, олардың топтамаларын аталмыш кәсіпорында белгіленген технология бойынша дайындау тұсында қызметіне қарай пайдалану мүмкіндігін тексеретін және растайтын материал немесе бұйым (солардың топтамасы);

3) бұйымдар - кемелерге орнатуға арналған бұйымдар, оларды жасау кезінде Кеме қатынасы тіркелімімен Ереже талаптарына және нормативтік-техникалық актілеріне сәйкестігіне техникалық куәландыру жүргізіледі; Кеме қатынасы тіркелімінің техникалық куәландыруға жататын бұйымдар тізімі Ережеге 1 қосымшасында келтірілген;

4) материалдар - кемені жасау, жөндеу немесе пайдалану кезінде қолданылатын материалдар, оларды жасау кезінде Ереже талаптарына және нормативтік-техникалық актілеріне сәйкестігін тексеру жүзеге асырылады; Кеме қатынасы тіркелімінің техникалық куәландыруға жататын материалдар тізімі Ережеге 2 қосымшасында келтірілген;

5) нормативтік-техникалық актілер - кемелерде орнату үшін материалдар мен бұйымдарды дайындау техникалық шарттарын белгілейтін стандарттар мен көлік және коммуникация саласындағы уәкілетті органымен бекітілетін нормативтік актілер;