«Табиғат қорғау мекемелері мемлекеттік инспекторларының нысанды
киім үлгілерін (погонсыз), оны кию тәртібін және онымен оларды
қамтамасыз ету нормаларын бекіту туралы»
Қазақстан Республикасы Ауыл шаруашылығы министрлігі Орман және
аңшылық шаруашылығы комитеті төрағасының 2006 жылғы
15 желтоқсандағы № 274 бұйрығы
«Ерекше қорғалатын табиғи аумақтар туралы» Қазақстан Республикасы Заңының 8-бабына сәйкес бұйырамын:
1. Қоса беріліп отырған:
1) табиғат қорғау мекемелері мемлекеттік инспекторларының нысанды киім үлгілерінің (погонсыз) сипаттамасы;
2) Табиғат қорғау мекемелері мемлекеттік инспекторларының нысанды киім (погонсыз) кию ережесі;
3) табиғат қорғау мекемелерінің мемлекеттік инспекторларын нысанды киіммен (погонсыз) қамтамасыз ету нормалары бекітілсін.
2. Осы бұйрық оған қол қойылған күннен бастап қолданысқа енгізіледі.
Қазақстан Республикасы Ауыл
шаруашылығы министрлігі
Орман және аңшылық шаруашылығы
комитетінің 2006 жылғы
15 желтоқсандағы № 274
бұйрығымен бекітілген
Табиғат қорғау мекемелері мемлекеттік инспекторларының
нысанды киім үлгілерінің (погонсыз) сипаттамасы
1. Ерлердің салтанатты киім нысаны
Ерлер костюмі бiр қаусырма өңiрлi пиджак пен шалбардан тұрады, ақ жейдемен және галстукпен киіледі, жоғары сапалы көк түсті костюмдік жүн матадан тігіледі.
