(БҰРЫНҒЫ РЕДАКЦИЯ)

Азаматтық авиацияны мемлекеттік реттеу туралы
2001 ж. 15 желтоқсандағы № 271-ІІ
Қазақстан Республикасының Заңы

(2005.15.04.  берілген өзгерістер мен толықтыруларымен)

Осы редакция 2006 ж. 29 желтоқсанда енгізілген өзгерістеріне дейін қолданылды

   1-тарау. Жалпы ережелер                      (1 - 3 баптар)

   2-тарау. Мемлекеттік органдардың азаматтық   (4 - 5 баптар)

            авиацияны мемлекеттік реттеу                            

            саласындағы құзыреті                                   

   3-тарау. Азаматтық авиацияны мемлекеттік     (6 - 17 баптар)

            реттеу                                                 

   4-тарау. Қорытынды және өтпелі ережелер      (18 - 20 баптар)    

Осы Заң жеке және заңды тұлғалардың Қазақстан Республикасының азаматтық авиациясы саласындағы қызметін мемлекеттік реттеудің құқықтық және ұйымдастырушылық негіздерін белгілейді.

1-тарау. Жалпы ережелер

1-бап. Осы Заңда пайдаланылатын негiзгі ұғымдар

Осы Заңда мынадай негізгі ұғымдар пайдаланылады:

1) авиациялық техника - азаматтық әуе кемелерi, олардың жабдығы, жинақтаушы бұйымдары, двигательдерi, тренажерлерi және азаматтық әуе кемелерiне жерде қызмет көрсету құралдары;