Жер қойнауын пайдаланушылардың тауарларды, жұмыстарды және
қызметтерді сатып алу туралы есеп және алдағы жылға тауарларды,
жұмыстарды және қызметтерді сатып алудың жылдық бағдарламасының
нысандарын бекіту туралы
Қазақстан Республикасы Индрустрия және сауда министрінің 2007 жылғы
21 наурыздағы № 92 Бұйрығы
ҚР Индустрия және сауда министрінің 2008 жылғы 3 сәуірдегі № 125 Бұйрығымен күші жойылды
«Жер қойнауы және жер қойнауын пайдалану туралы» Қазақстан Республикасының 1996 жылғы 27 қаңтардағы Заңының 8-3-бабының 1-тармағының 6) тармақшасына сәйкес жер қойнауын пайдаланушылардың қазақстаннан шыққан тауарлар, жұмыстар және қызметтерді сатып алу бөлігінде келісім - шарт міндеттемелерін орындаудың мониторингі мақсатында, бұйырамын:
1. Мына қоса берілгендер:
1) сатып алынған тауарлар туралы жер қойнауын пайдаланушылардың есеп нысандары (ОМ -1 және ОМ-2 нысандары);
2) сатып алынған тауарлар мен қызметтер туралы жер пайдаланушылардың есеп нысандары (РУ-1 және РУ-2 нысандары);
3) алдағы жылға тауарлар, жұмыстар және қызметтерді сатып алу бағдарламасының нысандары (ПЗ-1 және ПЗ-2 нысандары) бекітілсін;
2. «Қазақстан Республикасы Индустрия және сауда министрлігі және «Қазақстандық келісім-шарт агенттігі» АҚ-ның өз - ара іс-қимылы туралы» Қазақстан Республикасы Индустрия және сауда министрлігінің 2003 жылғы 20 қазандағы № 9310 бұйрығына сәйкес Қазақстан Республикасы Индустрия және сауда министрлігінің жұмыс органы болып табылатын «Қазақстандық келісім-шарт агенттігі» акционерлік қоғамы тұрақты негізде жер қойнауын пайдаланушылар жіберетін ақпаратты жинақтауды және талдауды жүзеге асырады.
Осы бұйрықтың орындалуын бақылау Қазақстан Республикасы Индустрия және сауда министрлігі Өнеркәсіп және ғылыми - техникалық дамыту комитетінің төрағасы М.З. Қажыкенге жүктелсін.
Осы бұйрық ресми жарияланған күнінен бастап қолданысқа енгізіледі.
