Қазақстан Республикасы Президентінің Жарлығы
Қазақстан Республикасының Президентi жанындағы
Кәсiпкерлер кеңесiн құру туралы
(2006.23.05. берілген өзгерістер мен толықтыруларымен)
Осы редакция 2007 ж. 24 сәуірде енгізілген өзгерістеріне дейін қолданылды
Қазақстан Республикасы Конституциясының 44-бабының 20) тармақшасына сәйкес мемлекет пен кәсiпкерлердiң өзара iс-қимылын жандандыру мақсатында ҚАУЛЫ ЕТЕМIН:
1. Қазақстан Республикасының Президентi жанындағы Кәсiпкерлер кеңесi (бұдан әрi - Кеңес) құрылсын.
2. Қоса берiлiп отырған:
1) Кеңес туралы ереже;
2) Кеңестiң құрамы бекітілсiн.
3. Осы Жарлық қол қойылған күнiнен бастап қолданысқа енгiзiледi.
Қазақстан Республикасының
Президент
Н.Ә. Назарбаев
Астана, Ақорда, 2005 ж. сәуірдің 23-і.
№ 1560
Қазақстан Республикасы
Президентінің
2005 жылғы 23 сәуірдегі
№ 1560 Жарлығымен
бекітілген
Қазақстан Республикасының Президентi
жанындағы Кәсiпкерлер кеңесi туралы
ЕРЕЖЕ
1. Жалпы ережелер
1. Қазақстан Республикасының Президентi жанындағы Кәсiпкерлер кеңесi (бұдан әрi - Кеңес) Қазақстан Республикасының Президентi жанындағы кәсiпкерлiктi дамыту және оны тиiмдi мемлекеттік қолдау мәселелерi жөнiндегі тұрақты жұмыс iстейтiн консультативтiк-кеңесшi орган болып табылады.
2. Кеңес өз қызметiн Қазақстан Республикасының Конституциясы мен заңдарына, Қазақстан Республикасы Президентінің актілеріне және осы Ережеге сәйкес жүзеге асырады.
2. Кеңестің негізгi мiндеттерi
3. Кеңестiң негiзгi мiндеттерi:
кәсiпкерлiкті қолдау мен дамытуға, нарықтық экономиканы дамытуды ынталандыратын жағдайлар жасауға бағытталған ұсыныстар әзiрлеу;
Қазақстан Республикасында жұмыс iстейтін iскер топтарды, кәсiпкерлiк қауымдастықтар мен одақтарды топтастыру;
кәсiпкерлiк саласындағы маңызды мемлекеттік проблемаларды шешу үшiн ұсынымдар әзiрлеу болып табылады.
3. Кеңестiң құқықтары
4. Кеңестiң Қазақстан Республикасының заңнамасында белгіленген тәртiппен және өз құзыретi шегiнде:
