Темекi өнiмдерiнiң қалдықтары мен (немесе) айналымы туралы декларация
нысанын, ережелерi мен тапсыру мерзiмдерiн бекіту туралы Қазақстан
Республикасының Қаржы министрлігі салық комитетінің
2003 ж. 26 желтоқсандағы № 537 бұйрығы
Осы редакция 2007 ж. 3 маусымдағы енгізілген өзгерістеріне дейін қолданылды
"Темекi өнiмдерiнiң өндiрiлуi мен айналымын мемлекеттік реттеу туралы" Қазақстан Республикасының Заңын iске асыру мақсатында бұйырамын:
1. Мыналар:
1) Темекi өнiмдерiнiң қалдықтары мен (немесе) айналымы туралы декларация нысаны (бұдан әрi - Декларация);
2) Декларацияны тапсыру ережелерi бекітілсiн.
2. Декларация есептiден кейiнгi айдың 15 күнiнен кешіктiрмей, ай сайын тапсырылатын болып белгіленciн.
3. Қазақстан Республикасының Қаржы министрлігі Салық комитетiнiң Акциздердi әкiмшілiктендiру басқармасы (Ким Р.Ю.) осы бұйрықты Қазақстан Республикасының Әдiлет министрлігіне мемлекеттік тіркеуге жiберсiн.
4. Осы бұйрық 2004 жылғы 1 қаңтардан бастап қолданысқа енгiзiледi.
"Темекi өнiмдерiнiң қалдықтары
мен (немесе) айналымы туралы
декларация нысанын, ережелері
мен тапсыру мерзiмдерiн бекіту
туралы" Қазақстан
Республикасының Қаржы
министрлiгі Салық комитетi
Төрағасының
2003 жылғы 26 желтоқсандағы
№ 537 бұйрығымен бекітілген
Темекi өнiмдерiнiң қалдықтары мен (немесе) айналымы
туралы декларацияны тапсыру ережелерi
1. Жалпы ережелер
1. Осы Ережелер "Темекi өнiмдерiнiң өндiрiлуi мен айналымын мемлекеттік реттеу туралы" Қазақстан Республикасының Заңына сәйкес әзiрленген және Темекi өнiмдерiнiң қалдықтары мен (немесе) айналымы туралы декларацияны (бұдан әрi - Декларация) тапсыру ережелерiн жасау және табыс ету тәртібін айқындайды.
2. Декларация Декларацияның өзiнен (440.00-нысан) және оған қосымшалардан (440.01, 440.02 және 440.03-нысандар) тұрады.
3. Декларацияны темекi өнiмдерiн импорттау мен көтерме сатуды жүзеге асырушы тұлға темекi өнiмдерiн өндiрудi және олардың айналымын мемлекеттік реттеудi жүзеге асыратын тұлға (бұдан әрi - декларант) уәкiлетті органның тиiстi аумақтық органына (бұдан әрi - салық органы) тапсырады. Темекi өнiмдерiн өндiрушiлер Декларация тапсырмайды.
