Жергілікті атқарушы органдардың лауазымды тұлғаларының мемлекеттік экологиялық сараптама саласындағы қызметіне бақылауды жүзеге асыру ережесін бекіту туралы
Қазақстан Республикасының қоршаған ортаны қорғау министрлігі 2007 жылғы 24 мамырдағы № 160-ө Бұйрығы
(2010.29.04. берілген өзгерістер мен толықтыруларымен)
ҚР Қоршаған ортаны қорғау министрінің 2012 жылғы 1 ақпандағы № 25-ө бұйрығымен күші жойылды
Қазақстан Республикасы Экологиялық кодексінің 17-бабындағы 29) тармақшасына сәйкес БҰЙЫРАМЫН:
1. Қоса беріліп отырған Жергілікті атқарушы органдардың лауазымды тұлғаларының мемлекеттік экологиялық сараптама саласындағы қызметіне бақылауды жүзеге асыру ережесі бекітілсін.
2. Қазақстан Республикасы Әділет министрлігінде 2005 жылғы 28 сәуірде № 3602 болып тіркелген, «Юридическая газета» газетінде 2005 жылғы 13 қазанда № 18 (923) жарияланған «Жергілікті атқарушы органдардың лауазымды тұлғаларының мемлекеттік экологиялық сараптама саласындағы қызметіне бақылауды жүзеге асыру ережесі бекіту туралы» Қазақстан Республикасы Қоршаған ортаны қорғау министрінің 2005 жылғы 8 сәуірдегі № 121-ө бұйрығының күші жойылды деп танылсын.
3. Осы бұйрықты Қазақстан Республикасының Қоршаған ортаны қорғау министрлігі аумақтық басқармаларының, облыстық (республикалық маңызы бар қаланың, астананың) жергілікті атқарушы органдарының мәліметіне жеткізілсін.
4. Осы бұйрық ол ресми жарияланған күнінен бастап қолданысқа енгізіледі.
ҚР Қоршаған ортаны қорғау министрінің 2009.05.11. № 236-ө Бұйрығымен барлық мәтін бойынша «Аумақтық басқармалар», «Аумақтық басқармаларға», «Аумақтық басқарманың», «Аумақтық басқарма», «Аумақтық басқармалармен» деген сөздер «Аумақтық бөлімшелер», «Аумақтық бөлімшелерге», «Аумақтық бөлімшенің», «Аумақтық бөлімше», «Аумақтық бөлімшелермен» деген сөздермен ауыстырылды (бұр.ред.қара)
