Бюджеттік бағдарламалар әкiмшілерiнiң бюджеттік өтінімдi жасау және ұсыну ережесін
бекіту туралы Қазақстан Республикасы Экономика және бюджеттік жоспарлау
министрінің 2003 ж. 30 сәуірдегі № 75 бұйрығы
(2007.23.02. берілген өзгерістер мен толықтыруларымен)
Осы редакция 2007 ж. 1 маусымдағы енгізілген өзгерістеріне дейін қолданылды
ҚР Экономика және бюджеттік жоспарлау министрлігінің 20.04.04 ж. № 61 бұйрығымен тақырыбы және 1-тармақ өзгертілді (бұр. ред. қара)
ҚР Экономика және бюджеттік жоспарлау министрінің 2005.10.05. № 65 Бұйрығымен кіріспе жаңа редакцияда (бұр. ред. қара)
Қазақстан Республикасының Бюджет кодексіне сәйкес БҰЙЫРАМЫН:
1. Қоса берiлiп отырған Бюджеттік бағдарламалар әкiмшiлерiнің бюджеттік өтiнiмдi жасау және ұсыну ережесi бекітілсiн.
2. Осы бұйрық Қазақстан Республикасының Әдiлет министрлігінде мемлекеттік тiркеуден өткен күнiнен бастап күшiне енедi.
Қазақстан Республикасы
Экономика және бюджеттік
жоспарлау министрінің
2003 жылғы 30 сәуірдегі
№ 75 бұйрығымен
бекітілген
ҚР Экономика және бюджеттік жоспарлау министрлігінің 20.04.04 ж. № 61 бұйрығымен тақырыбы және мәтіні өзгертілді (бұр. ред. қара)
Бюджеттік бағдарламалар әкiмшiлерiнiң
бюджеттік өтiнiмдi жасау және ұсыну ережесi
1. Жалпы ережелер
ҚР Экономика және бюджеттік жоспарлау министрлігінің 20.04.04 ж. № 61 бұйрығымен 1-тармақ өзгертілді (бұр. ред. қара)
1. Осы Ереже республикалық және жергілiктi бюджеттердiң жобасын әзiрлеу кезiнде бюджеттік бағдарламалардың қажеттігін негіздеу және оны қаржыландыру сомасын анықтау үшiн алдағы қаржы жылына және үш жылдық кезеңге арналған бюджеттік бағдарламалар әкiмшілерiнің бюджеттік өтінімнің құрылымын, оны жасау және ұсыну тәртібін анықтайды.
ҚР Экономика және бюджеттік жоспарлау министрлігінің 20.04.04 ж. № 61 бұйрығымен 2-тармақ өзгертілді (бұр. ред. қара)
