2007 жылға арналған облыстық бюджет туралы
Оңтүстік Қазақстан облысы мәслихатының 2006 жылғы 7 желтоқсандағы № 27/305-III шешімі
(2007.15.05. берілген өзгерістер мен толықтыруларымен)
Осы редакция 2007 жылғы 19 шілдедегі енгізілген өзгерістеріне дейін қолданылды
Қазақстан Республикасының 2004 жылғы 24 сәуірдегі Бюджет кодексі және «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңына сәйкес Оңтүстік Қазақстан облыстық мәслихаты ШЕШТІ:
Оңтүстік Қазақстан облыстық мәслихатының 2007.30.01. № 29/329-III ; 2007.28.01. № 30/351-III ; 2007.15.05. № 32/357-III шешімдерімен 1-тармақ өзгертілді
1. Оңтүстік Қазақстан облысының 2007 жылға арналған облыстық бюджеті 1-қосымшаға сәйкес мына көлемдерде бекітілсін:
1) кірістер - 101 802 093 мың теңге, оның ішінде:
салықтық түсімдер - 14 505 958 мың теңге;
салықтық емес түсімдер - 132 258 мың теңге;
негізгі капиталды сатудан түсетін түсімдер - 23 300 мың теңге;
трансферттердің түсімдері - 87 140 577 мың теңге;
2) шығындар - 102 776 402 мың теңге;
3) операциялық сальдо - - 974 309 мың теңге;
4) таза бюджеттік кредит беру - - 4 351 089 мың теңге, оның ішінде:
бюджеттік кредиттер - 2 065 000 мың теңге;
бюджеттік кредиттерді өтеу - 6 416 089 мың теңге;
5) қаржы активтерімен жасалатын операциялар бойынша сальдо - 65 000 мың теңге:
қаржы активтерін сатып алу - 65 000 мың теңге;
6) бюджет профициті - 3 311 780 мың теңге;
7) бюджет профицитін пайдалану - - 3 311 780 мың теңге.
2. 2007 жылға жеке табыс салығы және әлеуметтік салықтың түсімдерінің жалпы сомасының бөлу нормативтері:
Созақ ауданынан басқа аудандар (қалалар) бюджеттеріне 50 пайыз;
Созақ ауданының бюджетіне - 35 пайыз;
Созақ ауданынан басқа аудандардан (қалалардан) облыстық бюджетке 50 пайыз;
Созақ ауданынан - 65 пайыз болып белгіленсін.
3. Шымкент қаласының бюджетінен облыстық бюджетке бюджеттік алып қоюдың 2007 жылға арналған көлемі 6 187 743 мың теңге сомасында болып белгіленсін.
