Қазақстан Республикасының мемлекеттік заем және мемлекеттік кепілдіктер
жөніндегі заңдық баға (legal opinion) беру ережесін бекіту туралы
Қазақстан Республикасы Әділет министрінің 2002 жылғы 16 мамырдағы
№ 68 бұйрығы
Осы редакция 2007 жылғы 8 қарашададағы енгізілген өзгерістеріне дейін қолданылды
Қазақстан Республикасы Үкіметінің 1999 жылғы 11 наурыздағы № 223 қаулысымен бекітілген Қазақстан Республикасының Әділет министрлігі туралы ереженің 12-тармағының 3) тармақшасын, сондай-ақ Қазақстан Республикасының мемлекеттік заем және мемлекеттік кепілдіктер жөніндегі заңдық бағаны (legal opinion) ұйымдастыру және іске асыру тәртібін белгілеу мақсатында
БҰЙЫРАМЫН:
1. Қоса беріліп отырған Қазақстан Республикасының мемлекеттік заем және мемлекеттік кепілдіктер жөніндегі заңдық бағаларды (legal opinion) беру ережесі бекітілсін.
2. Осы бұйрық оны мемлекеттік тіркеген күннен бастап қолданысқа енгізіледі.
3. Осы бұйрықтың орындалуын бақылау Қазақстан Республикасының Әділет вице-министрі Ирак Қасымұлы Елекеевке жүктелсін.
Министр
Қазақстан Республикасы
Әділет министрінің
2002 жылғы 16 мамырдағы
№ 68 бұйрығымен бекітілген
Қазақстан Республикасының мемлекеттік заемдары және
мемлекеттік кепілдіктері жөнінде заңдық баға
(legal opinion) беру ережесі
1. Жалпы ережелер
1. Осы Ереже "Мемлекеттік және мемлекет кепіл берген қарыз алу мен борыш туралы" Қазақстан Республикасының Заңына, "Қазақстан Республикасы Әділет министрлігінің мәселелері" туралы Қазақстан Республикасы Үкіметінің 1999 жылғы 11 наурыздағы № 223 қаулысына, "Қазақстан Республикасының Үкіметтік қарыз алуын және жергілікті атқарушы органдарының қарыз алуын жүзеге асыру ережесін бекіту туралы" Қазақстан Республикасы Үкіметінің 2000 жылғы 8 маусымдағы № 874 қаулысына, заемдарды тарту процесін реттейтін және Қазақстан Республикасында қарыз алуды жүзеге асыру тәртібін белгілейтін басқа да нормативтік құқықтық актілерге сәйкес әзірленген.
2. Осы Ереже Әділет министрлігінің заңдық баға беру тәртібін, нысаны мен мерзімін белгілейді.
