Алдын ала шешiмдi қабылдау тәртібі мен нысаны бекіту туралы Қазақстан
Республикасының Кедендік бақылау агенттігі төрағасының 2003 жылғы 15 мамырдағы № 210 бұйрығы
(2006.30.03. берілген өзгерістер мен толықтыруларымен)
Осы редакция 2007 жылғы 27 желтоқсандағы енгізілген өзгерістеріне дейін қолданылды
Қазақстан Республикасы Кеден кодексiнiң 48, 49-баптарына сәйкес БҰЙЫРАМЫН:
1. Қоса берiлiп отырған Алдын ала шешiмдi қабылдау тәртібі мен нысаны бекітілсiн.
2. Қазақстан Республикасы Кедендiк бақылау агенттiгiнiң Құқықтық қамтамасыз ету басқармасы (И.Ы.Аңсарова) осы бұйрықтың мемлекеттік тiркелуiн қамтамасыз етсiн.
3. Қазақстан Республикасы Кедендiк бақылау агенттiгiнiң Баспасөз қызметi осы бұйрықтың бұқаралық ақпарат құралдарында жариялануын қамтамасыз етсiн.
4. Осы бұйрықтың орындалуын бақылау Қазақстан Республикасының Кедендiк бақылау агенттiгi төрағасының орынбасары С.Ж.Мулкинге жүктeлcін.
5. Осы бұйрық Қазақстан Республикасының Әдiлет министрлігінде мемлекеттік тiркелген күнiнен бастап қолданысқа енгiзiледi.
Қазақстан Республикасының
Кедендік бақылау агенттігі
төрағасының 2003 жылғы 15 мамырдағы
№ 210 бұйрығымен
бекітілген
Алдын ала шешiмдi қабылдау тәртібі және нысаны
1. Жалпы ережелер
1. Осы Тәртiп Қазақстан Республикасы Кеден кодексiнiң 47, 48-баптарына сәйкес Қазақстан Республикасы кеден шекарасы арқылы өткiзiлетiн тауарлар бойынша:
1) Сыртқы экономикалық қызметтiң Тауар Номенклатурасына (бұдан әрi - СЭҚ ТН) сәйкес жiктелуiне;
2) кеден құнын анықтаудың әдiстемесiн қолдануға;
3) тауарлардың шыққан елiн анықтау әдiстемесiн қолдануға қатысты алдын ала шешiм қабылдаудың тәртібін айқындау мақсатында әзiрлендi.
2. Кеден бекеттерi мен Қазақстан Республикасының кеден шекарасындағы бақылау өткізу пункттерiн қоспағанда кеден iсi мәселелерi жөніндегі уәкiлеттi орган және аумақтық кеден органдары (бұдан әрi кеден органдары) алдын ала шешiм қабылдайды.
2. Алдын ала шешiм қабылдау тәртібі
