Мемлекеттік мекемелердің шоттарын ашудың, жүргізудің
және жабудың ережесін бекіту туралы
Қазақстан Республикасы Қаржы министрінің 2007 жылғы 2 сәуірдегі № 100 Бұйрығы
Осы редакция 2008 жылғы 25 ақпандағы енгізілген өзгерістеріне дейін қолданылды
Қазақстан Республикасының Бюджет кодексінің 61, 88, 90-баптарына сәйкес бұйырамын:
1. Қоса беріліп отырған Мемлекеттік мекемелердің шоттарын ашудың, жүргізудің және жабудың ережесі бекітілсін.
2. Қазақстан Республикасы Қаржы министрінің мынадай бұйрықтары күші жойылды деп танылсын:
1) «Мемлекеттік мекемелердің шоттарын ашудың, жүргізудің және жабудың ережесін бекіту туралы» 2004 жылғы 14 желтоқсандағы № 447 бұйрығы (нормативтік-құқықтық актілерді мемлекеттік тіркеу Тізілімінде 2005 жылы 7 қаңтарда № 3333 тіркелген, Қазақстан Республикасының орталық атқарушы және өзге де мемлекеттік органдарының нормативтік-құқықтық актілері Бюллетенінде жарияланған, 2005 ж., № 17, 135-құжат);
2) Қазақстан Республикасы Қаржы министрінің 2006 жылғы 28 ақпандағы № 67 «2004 жылғы 14 желтоқсандағы «Мемлекеттік мекемелердің шоттарын ашудың, жүргізудің және жабудың ережесін бекіту туралы» № 447 бұйрығына өзгерістер мен толықтырулар енгізу туралы» бұйрығы (нормативтік-құқықтық актілерді мемлекеттік тіркеу Тізілімінде 2006 жылы 13 наурызда № 4119 тіркелген, 2006 жылғы 2 маусымда № 99-100 (1079-1080) Заң газетінде жарияланған);
3) «Қазақстан Республикасының екінші деңгейдегі банктерінде ашылған мемлекеттік сыртқы займдар мен гранттар қаражаты есебінен қаржыландырылатын инвестициялық жобалардың Арнайы шоттары бойынша бекіту туралы» 2001 жылғы 20 наурыздағы № 149 (нормативтік-құқықтық актілерді мемлекеттік тіркеу Тізілімінде 2001 жылы 26 сәуірде № 1480 тіркелген).
3. Қазақстан Республикасының Қаржы министрлігінің Қазынашылық комитеті (Шаженова Д.М.) заңнамада белгіленген тәртіппен осы бұйрықтың Қазақстан Республикасының Әділет министрлігінде мемлекеттік тіркелуін және оның ресми бұқаралық ақпарат құралдарында кейінгі жариялануын қамтамасыз етсін.
4. Осы бұйрық оны алғашқы ресми жариялаған күннен бастап күшіне енеді.
