Қаржы құралдарының Алматы қаласының өңірлік қаржы орталығының арнайы сауда алаңына ену үшін аудиторлық ұйымдарға біліктілік талаптарын бекіту туралы
Қазақстан Республикасы Алматы қаласының өңірлік қаржы орталығының қызметін реттеу агенттігі төрағасының
2008 жылғы 3 сәуірдегі № 04.2-09/78 Бұйрығы
«Алматы қаласының өңірлік қаржы орталығы туралы» Қазақстан Республикасы Заңының 6-бабының 9) тармақшасына сәйкес, БҰЙЫРАМЫН:
1. Қоса беріліп отырған қаржы құралдарының Алматы қаласының өңірлік қаржы орталығының арнайы сауда алаңына ену үшін аудиторлық ұйымдарға біліктілік талаптары (бұдан әрі - Біліктілік талаптары) бекітілсін.
2. Белгіленсін:
1) Қазақстан Республикасы Алматы қаласының өңірлік қаржы орталығының қызметін реттеу Агенттігінің (бұдан әрі - Агенттік) аудиторлық ұйымдар ұсынған құжаттарды қарау мерзімі Біліктілік талаптарына сәйкес құжаттардың толық пакетін ұсынған күннен бастап бес жұмыс күн нәтижесінде Агенттік аудиторлық ұйымның Біліктілік талаптарына сәйкестігі туралы қорытынды береді;
2) Агенттіктің аудиторлық ұйымның Біліктілік талаптарына сәйкестігі туралы шешімінің мерзімі оны берген күннен бастап бір күнтізбелік жылды құрайды;
3) Осы бұйрық қолданысқа енгізілгеннен бастап үш ай өткеннен кейін аудиторлық ұйымдар осы бұйрықпен бекітілген біліктілік талаптарына сәйкестігі туралы құжатты Агенттікке ұсынады.
3. «Қаржы құралдарының Алматы қаласының өңірлік қаржы орталығының арнайы сауда алаңына ену үшін аудиторлық ұйымдарға біліктілік талаптарын бекіту туралы» Қазақстан Республикасы Алматы қаласының өңірлік қаржы орталығының қызметін реттеу агенттігі Төрағасының 2006 жылғы 8 қыркүйектегі № 9 бұйрығының (Қазақстан Республикасы нормативтік құқықтық актілерді мемлекеттік тіркеу Реестрінде 2006 жылдың 7 қазанында № 4413 нөмірімен тіркелген, 2006 жылдың 24 қазандағы № 235 (25206) «Казахстанская правда» газетінде жарияланған) күші жойылды деп танылсын.
