«Лицензиялау туралы» Қазақстан Республикасының Заңын iске асыру туралы
Қазақстан Республикасы Үкіметінiң 1995 ж. 29 желтоқсандағы № 1894 қаулысы
(2008.28.03. берілген өзгерістер мен толықтырулармен)
Осы редакция 2008 жылғы 9 маусымдағы енгізілген өзгерістеріне дейін қолданылды
ҚР Үкіметінің 04.03.04 ж. № 269 қаулысымен тақырыбы мен кіріспе өзгертілді (бұр. ред. қара)
«Лицензиялау туралы» Қазақстан Республикасының 1995 жылғы 17 сәуірдегі Заңын iске асыру және лицензиялау жүйесiн одан әрi жетiлдiру мақсатында Қазақстан Республикасының Үкіметі қаулы етеді:
ҚР Үкіметінің 19.05.03 ж. № 458; 19.01.05 ж. № 32 (бұр. ред. қара) қаулыларымен 1-тармақ өзгертілді
1. Мыналар бекітілсiн:
1 қосымшаға сәйкес, лицензиялауға жататыны қызметтiң түрлерiне, лицензиялар беруге өкiлеттiк берiлген мемлекеттік органдардың (лицензиялардың) тiзбесi;
2 және 3-қосымшаларға сәйкес лицензия мен лицензияға қосымшалар нысандарының үлгілерi.
4 қосымшаға сәйкес, санитарлық, экологиялық таукен техникалық қадағалау және мемэнергияқадағалау органдарының қорытындысын қажет ететiн қызметтiң лицензияланатын түрлерiнiң тiзбесi;
5 және 6 қосымшаларға сәйкес, лицензия алу үшiн берiлетiн өтiнiштердiң формалары.
ҚР Үкіметінің 20.08.03 ж. № 837 қаулысымен 1-1-тармақпен толықтырылды
1-1. Қазақстан Республикасының Экономика және бюджеттік жоспарлау министрлігі лицензиялау жүйесiн жетiлдiру саласындағы мемлекеттік үйлестiрушi орган болып белгіленсiн.
ҚР Үкіметінiң 08.04.97 ж. № 505; 04.03.04 ж. № 269 (бұр. ред. қара) қаулыларымен 2-тармақ өзгертілді
2. Осы қаулының 1 қосымшасында аталған мемлекеттік органдар «Жекелеген қызмет түрлерiмен айналысу құқығы үшiн лицензия алымын төлеудiң тәртібі туралы Ереженi бекіту туралы» Қазақстан Республикасы Министрлер Кабинетінің 1995 жылғы 16 тамыздағы № 1127 қаулысының 2-тармағында көзделген лицензияланатын қызметтiң нақты түрлерiн лицензиялау тәртібі мен шарттарын әзiрлеген кезде:
