«Миссионерлік қызметпен айналысатын азаматтарды есептік тіркеуге (қайта тіркеуге) қою» мемлекеттік қызмет көрсетудің стандартын бекіту туралы
Ақмола облысы әкімдігінің 2008 жылғы 13 маусымдағы № А-5/235 қаулысы
Ақмола облысы әкімдігінің 2011 жылғы 10 наурыздағы № а-2/68 Қаулысымен күші жойылды
«Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1 бабына, «Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2007 жылғы 30 маусымдағы № 561 қаулысына сәйкес Ақмола облысының әкімдігі ҚАУЛЫ ЕТЕДІ:
1. Қоса беріліп отырған «Миссионерлік қызметпен айналысатын азаматтарды есептік тіркеуге (қайта тіркеуге) қою» мемлекеттік қызмет көрсетудің стандарты бекітілсін.
2. Осы қаулының орындалуын бақылау облыс әкімінің орынбасары Ғ.М. Бекмағамбетовке жүктелсін.
3. Осы қаулы Ақмола облысының әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
Ақмола облысы әкімдігінің
2008 жылғы 13 маусымдағы
№ А-5/235 қаулысымен
Бекітілген
«Миссионерлік қызметпен айналысатын азаматтарды
есептік тіркеуге (қайта тіркеуге) қою» мемлекеттік
қызмет көрсетудің стандарты
1. Жалпы ережелер
1. Осы стандарт миссионерлік қызметпен айналысатын азаматтарды есептік тіркеуге (қайта тіркеуге) қою жөнінде мемлекеттік қызмет көрсету тәртібін (бұдан әрі мәтін бойынша - мемлекеттік қызмет) белгілейді.
2. Көрсетілетін мемлекеттік қызметтің түрі: автоматтандырылмаған.
3. Мемлекеттік қызмет «Діни сенім бостандығы және діни бірлестіктер туралы» Қазақстан Республикасының 1992 жылғы 15 қаңтардағы Заңының 1-1, 4-1, 4-2 баптарына, «Қазақстан Республикасына шетелдіктердің болуын құқықтық реттеудің жеке мәселелері туралы» Қазақстан Республикасы Үкіметінің 2000 жылғы 28 қаңтардағы № 136 қаулысына сәйкес көрсетіледі.
