Қазақстан Республикасында есiрткi құралдары, психотроптық заттар және
прекурсорлар айналымын мемлекеттік бақылауды жүзеге асыру ережесін
бекіту туралы Қазақстан Республикасы Үкіметінің 2000 жылғы 10
қарашадағы № 1693 қаулысы
(2007.24.08. берілген өзгерістер мен толықтырулармен)
Осы редакция 2008 жылғы 12 маусымдағы енгізілген өзгерістеріне дейін қолданылды
«Есiрткi құралдары, психотроптық заттар, прекурсорлар және олардың заңсыз айналымы мен терiс пайдаланылуына қарсы iс-әрекет шаралары туралы» Қазақстан Республикасының 1998 жылғы 10 шілдедегi Заңына сәйкес және Қазақстан Республикасы Президентінің «Қазақстан Республикасында 2000-2001 жылдарға арналған нашақорлыққа және есiрткi бизнесiне қарсы күрестегi мемлекеттік бағдарлама туралы» 2000 жылғы 16 мамырдағы № 395 Жарлығын iске асыру мақсатында Қазақстан Республикасының Үкіметі қаулы етеді:
ҚР Үкіметінің 18.09.03 ж. № 947 қаулысымен 1-тармақ толықтырылды (бұр. ред. қара)
1. Қоса берiлiп отырған:
1) Қазақстан Республикасында есiрткi құралдары психотроптық заттар және прекурсорлар айналымын мемлекеттік бақылауды жүзеге асыру ережесi (бұдан әрi - Ереже);
2) ҚР Үкіметінің 2007 ж. 24 тамыздағы № 735 Қаулысымен алып тасталды (бұр. ред. қара)
3) құрамында есiрткi құралдары, психотроптық заттар және прекурсорлар бар өнiмдердiң транзитiне Рұқсаттар нысандары бекітілсiн.
2. Қазақстан Республикасы Үкіметінiң кейбір шешiмдерiн мынадай өзгерiс пен толықтыру енгiзiлсiн:
1) «Мемлекеттік өкiмет пен басқару органдары лауазымды адамдарының қауiпсiздiгiн қамтамасыз ету жөніндегі қосымша шаралар туралы» Қазақстан Республикасы Министрлер Кабинетінің 1993 жылғы 15 қаңтардағы № 35 қаулысына:
көрсетiлген қаулымен бекітілген Қазақстан Республикасында Рұқсат беру жүйесi туралы ережедегi:
8 және 12-тармақтарындағы "есiрткiлi заттар" деген сөздер алынып тасталсын;
