Оңалтуды басқарушының есебін келісу ережесін бекіту туралы
Қазақстан Республикасының Қаржы министрінің 2007 жылғы 2 қарашадағы № 373 Бұйрығы
Осы редакция 2008 жылғы 12 тамыздағы енгізілген өзгерістеріне дейін қолданылды
«Банкроттық туралы» Қазақстан Республикасының 1997 жылғы 21 қаңтардағы Заңының 53-бабын іске асыру мақсатында, БҰЙЫРАМЫН:
1. Қоса беріліп отырған Оңалтуды басқарушының есебін келісу ережесі бекітілсін.
2. Қазақстан Республикасы Қаржы министрлігінің Дәрменсіз борышкерлермен жұмыс комитеті (С.М. Бекбосынов) осы бұйрықтың Қазақстан Республикасы Әділет министрлігінде мемлекеттік тіркелуін және оны кейін заңнамада белгіленген тәртіппен кейіннен ресми бұқаралық ақпарат құралдарында жариялауды қамтамасыз етсін.
3. Қазақстан Республикасы Қаржы министрлігінің Дәрменсіз борышкерлермен жұмыс комитетінің төрағасының 2006 жылғы 20 мамырдағы № 17 «Оңалту рәсімі процедурасын өткізудің нәтижелері бойынша Оңалтуды басқарушының келісу есептің қорытынды ережесін бекіту туралы» № 4186 нормативтік құқықтық актілердің мемлекеттік тіркеудегі тізімдемеде тіркелген 2006 жыл 12 мамырда «Заң газетінде» № 84-85 (891) жарияланған бұйрық өз күшін жоғалтты.
4. Осы бұйрық ресми жарияланған күнінен бастап он күнтізбелік күн өткеннен кейін қолданысқа енгізіледі.
Қазақстан Республикасы
Қаржы министрінің
2007 жылғы 2 қарашада
№ 373 бұйрығымен
бекітілген
Оңалтуды басқарушының есебін келісу ережесі
1. Осы Оңалтуды басқарушының есебін келісу ережесі (бұдан әрі - Ереже) «Банкроттық туралы» Қазақстан Республикасының 1997 жылғы 21 қаңтардағы Заңына (бұдан әрі - Заң) сәйкес әзірленді және Қазақстан Республикасы Қаржы министрлігі Дәрменсіз борышкерлермен жұмыс комитетінің (бұдан әрі - уәкілетті орган) оңалтуды басқарушының есебін (бұдан әрі - есеп) келісу тәртібін айқындайды.
2. Есепті осы Ереженің қосымшасына сәйкес нысан бойынша оңалтуды басқарушы жасайды.
3. Есепке мынадай құжаттар қоса беріледі:
