«Қазақстан Республикасының азаматтары болып табылатын ұл (қыз)
балаларды асырауға тілек білдірген шетелдік азаматтарды есепке
алу жөніндегі Ережені бекіту туралы »
Қазақстан Республикасы
Сыртқы істер министрлігі 1999 жылғы 17 маусымдағы № 655 Бұйрық
(2005.30.11. берілген өзгерістер мен толықтырулармен)
Осы редакция 2008 жылғы 18 қыркүйектегі енгізілген өзгерістеріне дейін қолданылды
Қазақстан Республикасы консулдық қызметінің жұмысын жетілдіру мақсатында және Қазақстан Республикасының «Неке және отбасы туралы» заңның 78-бабына сәйкес бұйрық етемін:
1. Қазақстан Республикасының азаматтары болып табылатын ұл (қыз) балаларды асырауға тілек білдірген шетелдік азаматтарды есепке алу жөніндегі қоса беріліп отырған Ереже бекітілсін.
Министр
Қазақстан Республикасы
Сыртқы істер министрінің
1999 жылғы 17 маусымдағы
№ 655 бұйрығымен бекітілген
Қазақстан Республикасының азаматтары
болып табылатын ұл (қыз) баланы асырап алғылары келетін
шетелдік азаматтарды есепке алу туралы ереже
ҚР Сыртқы істер министрінің 2005.30.11 № 08-1/363 Бұйрығымен мәтіндегі "дипломатиялық өкілдіктері, консулдық мекемелері", "дипломатиялық өкілдіктер, консулдық мекемелер", "дипломатиялық өкілдіктері мен консулдық мекемелері" деген сөздер "шет елдердегі мекемелері", "шет елдердегі мекемелер", "шет елдердегі мекемелері", "шет елдердегі мекемелер" деген сөздермен ауыстырылды (бұр. ред. қара)
