Павлодар облысы Кенжекөл ауылдық округтік әкімінің 2009 жылғы 10 маусымдағы № 17-1-03/32 шешімімен күші жойылды
Кенжекөл ауылдық округі әкімінің
2008 жылғы 1 шілдедегі
№ 282 шешімімен бекітілген
4 қосымша
Мемлекеттік қызмет көрсету стандарты
Балаларды патронаттық тәрбиеге алуға тілек білдірген отбасылардан өтініш қабылдау
1. Жалпы ережелер
1. Осы стандарт балаларды патронаттық тәрбиеге алуға тілек білдірген отбасылардан өтініш қабылдау бойынша мемлекеттік қызмет көрсету (бұдан әрі - мемлекеттік қызмет көрсету) тәртібін белгілейді.
2. Көрсетілетін мемлекеттік қызмет көрсету нысаны автоматтандырылмаған.
3. Мемлекеттік қызмет Қазақстан Республикасының 1998 жылғы 17 желтоқсандағы «Неке және отбасы туралы» Заңының 119, 120, 121, 122, 123 бабы, Қазақстан Республикасының 2002 жылғы 8 тамыздағы «Қазақстан Республикасында бала құқықтары туралы» Заңы 27 бабының 4 тармағы, Қазақстан Республикасы Үкіметінің 1999 жылғы 9 қыркүйектегі «Қазақстан Республикасының қорғаншылық және қамқоршылық органдары туралы және Патронат туралы ережелерді және Ата-анасының қамқорлығынсыз қалған балаларды орталықтандырылған есепке алуды ұйымдастыру ережесін бекіту туралы» № 1346 қаулысы негізінде көрсетіледі.
4. Мемлекеттік қызметті Кенжекөл ауылы, Конституция алаңы, 3, № 5 кабинет, мекен жайында орналасқан «Кенжекөл ауылдық округінің» мемлекеттік мекемесі (бұдан әрі - Әкім аппараты) көрсетеді.
5. Мемлекеттік қызмет көрсетудің нәтижесі - балаларды патронаттық тәрбиеге алуға тілек білдірген отбасылардан өтінішін қабылдау туралы анықтама беру.
6. Мемлекеттік қызмет Қазақстан Республикасының азаматтарына көрсетіледі (бұдан әрі - тұтынушы).
7. Мемлекеттік қызмет көрсету кезінде уақыт бойынша шектеу мерзімдері:
1) мемлекеттік қызметті алу үшін тұтынушы қажетті құжаттарды тапсырған сәттен бастап мемлекеттік қызмет көрсету мерзімдері - 15 күнге дейін;
2) қажетті құжаттарды тапсырған кезде кезек күтуге ең ұзақ уақыт - 30 минутқа дейін;
