«Кенжекөл ауылдық округі әкімінің аппараты» мемлекеттік мекемесімен көрсетілетін мемлекеттік қызмет көрсету стандарттарын бекіту туралы
Павлодар облысы Павлодар қаласы Кенжекөл ауылдық округтік әкімиятының 2008 жылғы 1 шілдедегі № 282 шешімі
Павлодар облысы Кенжекөл ауылдық округтік әкімінің 2009 жылғы 10 маусымдағы № 17-1-03/32 шешімімен күші жойылды
Қазақстан Республикасының 2000 жылғы 27 қарашадағы «Әкімшілік рәсімдер туралы» Заңының 9-1 бабына, Қазақстан Республикасының 2007 жылғы 12 қаңтардағы «Жеке және заңды тұлғалардың өтініштерін қарау тәртібі туралы» Заңының 8 бабына, Қазақстан Республикасы Үкіметінің 2007 жылғы 30 маусымдағы «Мемлекеттік қызмет көрсетудің үлгі стандартын бекіту туралы» № 558, «Жеке және заңды тұлғаларға көрсетілетін мемлекеттік қызметтердің тізілімін бекіту туралы» № 561 қаулыларына сәйкес, сапалы мемлекеттік қызмет көрсету мақсатында Кенжекөл ауылдық округінің әкімі ШЕШІМ ЕТЕДІ:
1. «Кенжекөл ауылдық округі әкімінің аппараты» мемлекеттік мекемесінде мемлекеттік қызметті көрсетудің стандарттары № 1, № 2, № 3, № 4, № 5, № 6, № 7, № 8, № 9, № 10, № 11 қосымшалары бойынша бекітілсін.
2. Шешім алғаш рет ресми жарияланған күнінен бастап 10 (он) күнтізбелік күн өткен соң қолданысқа енгізіледі.
3. Осы шешімнің орындалуына бақылау жасау әкімнің көмекшісі Ақтайлақова Несібелді Қалкеновнаға міндеттелсін.
Кенжекөл ауылдық округі әкімінің
2008 жылғы 1 шілдедегі
№ 282 шешімімен бекітілген
1 қосымша
Мемлекеттік қызмет көрсету стандарты
Кәмелетке толмағандарға тиесілі тұрғын үйді банкке
несие ресімдеу үшін кепілге қоюға рұқсат беру
1. Жалпы ережелер
1. Осы стандарт кәмелетке толмағандарға тиесілі тұрғын үйді банкке несие ресімдеу үшін кепілге қоюға рұқсат беру бойынша мемлекеттік қызмет көрсету (бұдан әрі - мемлекеттік қызмет көрсету) тәртібін белгілейді.
2. Көрсетілетін мемлекеттік қызмет көрсету нысаны автоматтандырылмаған.
