Павлодар облысы Кенжекөл ауылдық округтік әкімінің 2009 жылғы 10 маусымдағы № 17-1-03/32 шешімімен күші жойылды
Кенжекөл ауылдық округі әкімінің
2008 жылғы 1 шілдедегі
№ 282 шешімімен бекітілген
7 қосымша
Мемлекеттік қызмет көрсету стандарты
Ер жетпеген балаларға жататын тұрғын алаңды сатуға немесе ауыстыруға
нотариалдық кеңсеге рұқсат туралы анықтама беру
1. Жалпы ережелер
1. Осы стандарт ер жетпеген балаларға жататын тұрғын алаңды сатуға немесе ауыстыруға нотариалдық кеңсеге рұқсат туралы анықтама беру бойынша мемлекеттік қызмет көрсету (бұдан әрі - мемлекеттік қызмет көрсету) тәртібін белгілейді.
2. Көрсетілетін мемлекеттік қызмет көрсету нысаны автоматтандырылмаған.
3. Мемлекеттік қызмет Қазақстан Республикасының 1994 жылғы 27 желтоқсандағы Азаматтық кодексінің 24-бабы, Қазақстан Республикасының 1997 жылғы 16 сәуірдегі «Тұрғын үй қатынастары туралы» Заңының 13 бабы, 3-тармағы, Қазақстан Республикасының 1998 жылғы 17 желтоқсандағы «Неке және отбасы туралы» Заңының 114 бабы негізінде көрсетіледі.
4. Мемлекеттік қызметті Кенжекөл ауылы, Конституция алаңы, 3, № 5 кабинет мекен жайында орналасқан «Кенжекөл ауылдық округінің әкім аппараты» мемлекеттік мекемесі (бұдан әрі - Әкім аппараты) көрсетеді.
5. Мемлекеттік қызмет көрсетудің нәтижесі - ер жетпеген балаларға жататын тұрғын алаңды сатуға немесе ауыстыруға нотариалдық кеңсеге рұқсат туралы анықтама беру болып табылады.
6. Мемлекеттік қызмет Қазақстан Республикасының азаматтарына көрсетіледі (бұдан әрі - тұтынушы).
7. Мемлекеттік қызмет көрсету кезінде уақыт бойынша шектеу мерзімдері:
1) мемлекеттік қызметті алу үшін тұтынушы қажетті құжаттарды тапсырған сәттен бастап көрсету мерзімдері - 1 күн ішінде;
2) қажетті құжаттарды тапсырған кезде кезек күтуге ең ұзақ уақыт - 30 минутқа дейін;
3) мемлекеттік қызмет көрсету нәтижесі ретінде құжаттарды алған кезде кезек күтуге рұқсат берілген ең ұзақ уақыты - 30 минутқа дейін.
8. Мемлекеттік қызмет тегін көрсетіледі.
