Павлодар облысы Кенжекөл ауылдық округтік әкімінің 2009 жылғы 10 маусымдағы № 17-1-03/32 шешімімен күші жойылды
Кенжекөл ауылдық округі әкімінің
2008 жылғы 1 шілдедегі
№ 282 шешімімен бекітілген
8 қосымша
Мемлекеттік қызмет көрсету стандарты
Мектепке дейінгі балалар мекемесіне жіберу үшін мектеп жасына дейінгі (7 жасқа дейін) балаларды тіркеу
1. Жалпы ережелер
1. Осы стандарт мектепке дейінгі балалар мекемесіне жіберу үшін мектеп жасына дейінгі (7 жасқа дейін) балаларды тіркеу беру бойынша мемлекеттік қызмет көрсету (бұдан әрі - мемлекеттік қызмет көрсету) тәртібін белгілейді.
2. Көрсетілетін мемлекеттік қызмет көрсету формасы автоматтандырылмаған.
3. Мемлекеттік қызмет Қазақстан Республикасының «Білім туралы» Заңының 6 бабы, 4-тармағы, 4-тармақшасы, Қазақстан Республикасы Үкіметінің 2004 жылғы 21 желтоқсандағы «Мектепке дейінгі білім беру ұйымдары қызметінің үлгі ережесін бекіту туралы» № 1353 қаулысы негізінде көрсетіледі.
4. Мемлекеттік қызметті Кенжекөл ауылы, Конституция алаңы, 3, № 5 кабинет мекен жайында орналасқан «Кенжекөл ауылдық округінің әкім аппараты» мемлекеттік мекемесі (бұдан әрі - Әкім аппараты) көрсетеді.
5. Мектепке дейінгі балалар мекемесіне жіберу үшін мектеп жасына дейінгі (7 жасқа дейін) балаларды тіркеу хабарлама ұсынады.
6. Мемлекеттік қызмет Қазақстан Республикасының азаматтарына көрсетіледі (бұдан әрі - тұтынушы).
7. Мемлекеттік қызмет көрсету кезінде уақыт бойынша шектеу мерзімдері:
1) мемлекеттік қызметті алу үшін тұтынушы қажетті құжаттарды тапсырған, тіркелгені туралы ауызша хабардар ету бір жұмыс күні ішінде орындалып, сол жөнінде өтініш берушіге беріледі;
2) қажетті құжаттарды тапсырған кезде кезек күтуге ең ұзақ уақыт - 30 минутқа дейін;
3) мемлекеттік қызмет көрсету нәтижесі ретінде құжаттарды алған кезде кезек күтуге рұқсат берілген ең ұзақ уақыты - 30 минутқа дейін.
8. Мемлекеттік қызмет тегін көрсетіледі.
9. Мемлекеттік қызмет көрсету туралы ақпарат Әкім аппаратының ақпараттық стендінде орналастырылған.
