Қазақстан Республикасы Үкіметінің «Дарын» мемлекеттік жастар сыйлығының
кейбір мәселелерi
Қазақстан Республикасы Үкіметінің 2006 жылғы 22 тамыздағы № 797 Қаулысы
Осы редакция 2008 жылғы 5 желтоқсандағы енгізілген өзгерістеріне дейін қолданылды
Қазақстан Республикасының Yкіметі қаулы етеді:
1. Қоса беріліп отырған Қазақстан Республикасы Үкіметінің «Дарын» мемлекеттік жастар сыйлығын беру жөніндегі комиссияның құрамы бекітілсін.
2. «Қазақстан Республикасы Үкіметінің «Дарын» мемлекеттік жастар сыйлығы туралы» Қазақстан Республикасы Үкіметінің 1996 жылғы 7 тамыздағы № 983 қаулысына (Қазақстан Республикасының ПҮКЖ-ы, 1996 ж., № 33, 311-құжат) мынадай өзгерістер мен толықтырулар енгізілсін:
көрсетілген қаулымен бекітілген Қазақстан Республикасы Үкіметінің «Дарын» мемлекеттік жастар сыйлығы туралы ережеде:
7-тармақ мынадай редакцияда жазылсын:
"7. Сыйлық алуға кандидатураларды ұсынуды орталық, жергілікті және өзге де мемлекеттік органдар, шығармашылық және кәсіптік одақтар, қоғамдық жастар бірлестіктері және қызметі Қазақстан Республикасының заңнамасына қайшы келмейтін өзге де ұйымдар жүргізеді.
Сыйлық алуға ұсынылған кандидатуралар туралы дұрыс емес ақпарат ұсынылған жағдайда аталған кандидатуралар конкурсқа қатысуға жіберілмейді.";
көрсетілген қаулымен бекітілген Қазақстан Республикасы Үкіметінің «Дарын» мемлекеттік жастар сыйлығын беру жөніндегі комиссия туралы ережеде:
2-тармақ мынадай мазмұндағы екінші, үшінші, төртінші және бесінші абзацтармен толықтырылсын:
"Комиссия төрағасы оның қызметіне басшылық жасайды, Комиссияның отырыстарында төрағалық етеді, оның жұмысын жоспарлайды, оның шешімдерінің іске асырылуына жалпы бақылауды жүзеге асырады және қолданыстағы заңнамаға сәйкес Комиссия жүзеге асыратын қызмет үшін, сондай-ақ салааралық, ведомствоаралық үйлестіру үшін және Комиссия әзірлейтін шешімдер үшін дербес жауапты болады. Төраға болмаған кезде оның функцияларын орынбасары орындайды.
