Осы редакция 2008 жылғы 3 желтоқсандағы енгізілген өзгерістеріне дейін қолданылды
Облыс әкімдігінің
2008 жылғы 4 сәуірдегі
№ 99 қаулысына
қосымша
Мемлекеттік қызмет көрсетудің стандарты:
«Мемлекеттік атаулы әлеуметтік көмек тағайындау»
1. Жалпы ережелер
1. Мемлекеттік қызметтің анықтамасы: мемлекеттік атаулы әлеуметтік көмек тағайындау.
2. Көрсетілген мемлекеттік қызметтің нысаны: автоматтандырылмаған.
3. Мемлекеттік қызмет көрсету:
1) «Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі № 246 Заңы 3 бабы;
2) Қазақстан Республикасы Үкіметінің 2001 жылғы 24 желтоқсандағы № 1685 қаулысымен бекітілген мемлекеттік атаулы әлеуметтік көмекті тағайындау және төлеу ережесі;
3) 2002 жылғы 28 ақпанда № 1782 Қазақстан Республикасы Әділет министрлігінде тіркелген Қазақстан Республикасының Еңбек және халықты әлеуметтік қорғау Министрінің 2002 жылғы 13 ақпандағы № 31-Ө бұйрығымен бекітілген «Атаулы әлеуметтік көмек алуға үміткер адамның (отбасының) жиынтық табысын анықтаудың Ережесі»;
4) Қазақстан Республикасы Үкіметінің 2007 жылғы 30 маусымдағы № 561 қаулысымен бекітілген жеке және заңды тұлғаларға көрсетілетін мемлекеттік қызметтердің тізілімі 92 тармағы негізінде жүзеге асырылады.
4. Мемлекеттік қызмет қызметті тұтынушының тұрғылықты жеріндегі жұмыспен қамту және әлеуметтік бағдарламалар бөлімдерімен (одан әрі Бөлім) көрсетіледі (осы стандартқа 1-қосымша).
5. Тұтынушы алатын көрсетілетін мемлекеттік қызметті көрсетуді аяқтау нысаны (нәтижесі): мемлекеттік атаулы әлеуметтік көмек тағайындау туралы шешім.
6. Мемлекеттік қызмет Қазақстан Республикасында тұратын жан басына шаққандағы кірісі кедейлік шегінен аспайтын ҚР азаматтарына, оралмандарға, қашқын мәртебесі бар тұлғаларға, шетел азаматтары, азаматтығы жоқ, бірақ Қазақстан Республикасында тұруға құқығы бар азаматтарға көрсетіледі.
