Қазақстан Республикасы Еңбек және халықты әлеуметтік қорғау министрлігінің 2009 - 2011
жылдарға арналған стратегиялық жоспарын бекіту туралы
Қазақстан Республикасы Үкіметінің 2008 жылғы 23 желтоқсандағы № 1218 Қаулысы
(2009.29.12. берілген өзгерістер мен толықтыруларымен)
Қазақстан Республикасының 2008 жылғы 4 желтоқсандағы Бюджет кодексінің 62-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Еңбек және халықты әлеуметтік қорғау министрлігінің 2009 - 2011 жылдарға арналған стратегиялық жоспары бекітілсін.
2. Осы қаулы 2009 жылғы 1 қаңтардан бастап қолданысқа енгізіледі және ресми жариялануға тиіс.
| Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2008 жылғы 23 желтоқсандағы
№ 1218 қаулысымен
бекітілген
Қазақстан Республикасы Еңбек және халықты әлеуметтік қорғау министрлігінің
2009 - 2011 жылдарға арналған стратегиялық жоспары
Мазмұны
1. Қазақстан Республикасы Еңбек және халықты әлеуметтік қорғау министрлігінің миссиясы және пайымдау
2. Ағымдағы ахуалды талдау
3. Қазақстан Республикасының Еңбек және халықты әлеуметтік қорғау министрлігі қызметінің стратегиялық бағыттары, даму мақсаты және негізгі индикаторлары
4. Функционалдық мүмкіндіктер және қатер-менеджменті
5. Негізінде Стратегиялық жоспар әзірленген нормативтік құқықтық актілердің тізбесі
6. Бюджеттік бағдарламалар тізбесі
Миссиясы. Халықтың өмір сүру деңгейі мен сапасын арттыруға жәрдемдесу
Пайымдау. Лайықты еңбектің ілгерілеуін және әлеуметтік қорғаудың конституциялық кепілдерінің іске асырылуын қамтамасыз етуші мемлекеттік орган
2. Ағымдағы ахуалды талдау
Мемлекет басшысының «... халықтың барлық буындарының өмір сүрудің жоғары сапасы мен озық әлеуметтік стандарттарына» қол жеткізу жөніндегі тапсырмаларын іске асыру жөніндегі жұмыс адам капиталын дамытумен байланысты мәселелерді алдыңғы қатарға шығарды.
