Жер учаскелері төлемдерінің базалық ставкаларына түзету коэффициенттерін және жерлерді
бағамдық аймақтандыру шекараларын бекіту туралы
ІІІ сайланған Алматы қаласы мәслихатының XXX сессиясының 2007 жылғы 5 маусымдағы № 351 шешімі
(2008.20.08. берілген өзгерістер мен толықтыруларымен)
Осы редакция 2008 жылғы 22 желтоқсандағы енгізілген өзгерістеріне дейін қолданылды
Қазақстан Республикасы Жер кодексінің 11 бабына, Қазақстан Республикасы «Қазақстан Республикасындағы жергілікті мемлекеттік басқару туралы» заңының 6 бабының 1 тармағының 15 тармақшасына және Қазақстан Республикасы Үкіметінің 2003 жылғы 2 қыркүйектегі «Жер учаскелері жеке меншікке берілген кезде, мемлекет немесе мемлекеттік жер пайдаланушылар жалға берген кезде олар үшін төлемақының базалық ставкаларын, сондай-ақ жер учаскелерін жалдау құқығын сату төлемақысының мөлшерін бекіту туралы» № 890 қаулысына сәйкес ІІІ сайланған Алматы қаласының мәслихаты ШЕШІМ ЕТТІ:
1. 1, 2 қосымшаларға сәйкес Алматы қаласында жер учаскелері төлемінің базалық ставкаларына түзету коэффициенттері және Алматы қаласының жер учаскелеріне төлемақының базалық ставкаларына түзету коэффициентін анықтау үшін жерді бағалы аймақтарға бөлу шекаралары бекітілсін.
2. І сайланған Алматы қалалық Мәслихатының XXV сессиясының 1999 жылғы 14 мамырдағы «Алматы қаласы аумақтарының функциональдық құнының бағамдық аудандастырылуының» схемасын, жер салығының ставкаларын және селитебтік аумақтың шекараларын бекіту туралы» (нормативтік құқықтық актілердің мемлекеттік тіркеу тізілімінде 1999 жылы 11 маусымда № 62 болып тіркелген) шешімінің 1 тармағы күші жойылған деп танылсын.
3. Осы шешім Әділет департаментінде мемлекеттік тіркеуден өткен күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданылады.
